આ પણ વાંચો ટ્રેન્ડિંગ સમાચાર
અમદાવાદ, શુક્રવાર
ઇસનપુરમાં રહેતી મહિલાને પરિણીત પુરુષ સાથે પ્રેમ કરવો ભારે પડ્યો હોવાનો કિસ્સો પ્રકાશમાં આવ્યો છે. જેમાં મહિલાને તું મને બહુ ગમે છે, તારા વગર નહીં રહી શકું એટલું જ નહીં પત્નીને છૂટાછેડા આપવાની વાત કરીને મહિલાને અલગ અલગ હોટલમાં લઈને જઈને શારીરિક સુખ માણ્યું હતું. મહિલાએ કંટાળીને સંબંધ કાપી નાંખતા આરોપીએ મહિલા સાથેના અંગત ફોટા પતિ અને સગાને મોકલવાની તથા મહિલાના પિતાને મારી નાંખવાની ધમકી આપીને દુષ્કર્મ આચર્યું હતું. આ બનાવ અંગે ઇસનપુર પોલીસે આરોપી સામે ગુનો નોંધી વધુ તપાસ હાથ ધરી છે.
પ્રેમીએ 8 વર્ષ સુધી શારીરિક શોષણ કરી પતિના મિત્રને ફોટા મોકલ્યા
ઇસનપુરમાં રહેતી 36 વર્ષની મહિલાએ બોપલમાં રહેતા યુવક સામે ફરિયાદ નોંધાવી છે કે મહિલા 2008માં ઘોડાસર ખાતે રહેતી હતી ત્યારે તેની સહેલીના પતિના મિત્ર આરોપી સાથે મિત્રતા થઈ હતી તેની સાથે વાતચીત થતી અને મળતા પણ હતા જોકે 2012માં તેના લગ્ન થતાં મહિલાએ વાત કરવાની બંધ કરી દીધી હતી. આમ છતાં હું તારા વગર રહી નહીં શકું મારી પત્ની મને ગમતી નથી તેને છૂટાછેડા આપીને તારી સાથે લગ્ન કરવાનો વાયદો આપીને મહિલા સાથે ફરીથી વાતચીત શરુ કરી હતી.
મહિલાના પિતાને મારી નાંખવાની ધમકી આપી
2016માં મહિલા સેટેલાઇટમાં નોકરી કરતી હતી ત્યાં ઓફિસ પાસે મળવા આવતો અને થોડા સમયમાં લગ્ન કરવાની વાત કરીને અવાર નવાર હોટલમાં લઈ જઈને શારીરિક સંબંધ બાંધતો હતો. એક સમયે મહિલાએ તેની બહેનપણીના પતિને બીમારીની દવા લેવા જવાનું કહીને પ્રેમી સાથે રાજસ્થાન ગઈ હતી જ્યાં હોટલમાં તેની સાથે દુષ્કર્મ આચરીને તેના અંગત ફોટા પાડી લીધા હતા. મહિલાને લગ્નની લાલચ આપીને અવાર નવાર આ પ્રમાણે કૃત્ય આચરતો હોવાથી મહિલાએ કંટાળીને સંબંધ કાપી નાંખતા આરોપીએ મહિલા સાથેના અંગત ફોટા પતિ અને સગાને મોકલવાની તથા મહિલાના પિતાને મારી નાંખવાની ધમકી આપીને દુષ્કર્મ આચર્યું હતું. એટલું જ નહીં તાજેતરમાં ફોટા મહિલાના પતિના મિત્રને મોકલીને બદનામ કરવા પ્રયાસ કર્યો હતો.
