Amreli News: ગુજરાતમાં હાલ લગ્નસરાની ભરપૂર સિઝન ચાલી રહી છે. હાલમાં મોંઘીદાટ કારોના કાફલા સાથે વરરાજા જાન લઈને જાય તેવો એક ટ્રેન્ડ ચાલી રહ્યો છે. બીજી તરફ અમુક પરિવારો એવા છે કે જે જાન માટે હેલિકોપ્ટર મંગાવી રહ્યા છે. ત્યારે એવી જ એક અમરેલીમાં આવેલી જાનનો વીડિયો હાલ સોશિયલ મીડિયા પર ખૂબ વાઈરલ થઈ રહ્યો છે. રાજુલા તાલુકાના નાના એવા લોઠપુરના વરરાજા અમરેલીમાં લાડીને લેવા હેલિકોપ્ટરથી આવ્યા હતા.
વરરાજાએ વટ પાડ્યો
કાઠી ક્ષત્રિય સમાજમાં આમ તો ઘોડે ચડીને વરરાજા લગ્નમાં જતાં હોય છે, પણ હેલિકોપ્ટરમાં વરરાજાએ વટ પાડી નવો ચીલો ચાતર્યો હતો. વરરાજાની શાનદાર એન્ટ્રી જોઈ લોકોમાં ભારે કુતૂહલ સર્જાયું હતું, હેલિકોપ્ટર ઊતરતાંની સાથે જ વરરાજા અને હેલિકોપ્ટરને જોવા લોકોનાં ટોળેટોળાં ઊમટ્યાં હતાં.
આ પણ વાંચો: AIથી બનેલા ફેક વીડિયો સોશિયલ મીડિયા પરથી 3 કલાકમાં હટાવવા પડશે: કેન્દ્રએ જાહેર કર્યા નિયમ
લોઠપુરના વરરાજા યુવરાજ ખુમાણ મોભ પરિવારની ક્રિષ્નાબા સાથે સાતફેરા લીધા છે, આ ભવ્ય લગ્ન પ્રસંગે વેપાર જગતના અગ્રણીઓ તેમજ સ્થાનિક, સામાજિક અને રાજકીય આગેવાનો મોટી સંખ્યામાં ઉપસ્થિત રહ્યા હતા.
