સાસણ ગીર, સંજીવ રાજપૂત, એબીએનએસ: જૂનાગઢ જિલ્લાના સાસણ ગીરમાં આવેલ વાઈલ્ડ કામ રિસોર્ટ ખાતે આંતરાષ્ટ્રીય ક્રિએટર્સ એવોર્ડ 2026નું ભવ્ય આયોજન અત્રીસ અને ગ્રીષ્મા ત્રિવેદી દ્વારા કરવામાં આવ્યું હતું જેમાં ડિજિટલ ક્રિએટર, સંગીત તેમજ ફિલ્મ ક્ષેત્રે ઉત્સુક સર્જકોને ૨૪ જેટલા એવોર્ડ વિતરણ કરવામાં આવ્યાં હતા.
આ પ્રસંગે બોલીવુડના દિગ્ગજ અભિનેતા અને અભિનેત્રી આયુષ્માન ખુરાના, વામિકા ગબ્બી, રકુલ પ્રીત સિંહ, ઝારા ખાન સહિત ઓસમાણ મીર અને તેમના પુત્ર, ઓજસ રાવલ, હિતુભાઈ કનોડિયા, રાજભા રાઠોડ, ગાયિકા ભૂમિ ત્રિવેદી ઓજસ રાવલ, ગ્રીવા કંસારા, પ્રખ્યાત મિસ્ટર એન્ડ મિસિસ ગુજરતી કપલ (કરણ-હેતલ), આરજે દીપાલી, અઘોરી બંધુઓ અને મુંબઇ અને અમદાવાદથી મીડિયા મિત્રો ખાસ ઉપસ્થિત રહ્યા હતા.
આ કાર્યક્રમના શરૂઆત અગાઉ ઉપસ્થિત અભિનેતા અને અભિનેત્રીઓ દ્વારા સાસણ ગીર ખાતે આવેલ સિંહ સફારીનો આનંદ લીધો હતો જેમને જોવા અને તેમની સાથે સેલ્ફી લેવા જનમેદની ઉમટી પડી હતી. આ સફારીમાં કૃષિમંત્રી જીતુભાઇ વાઘાણી અને પર્યાવરણ મંત્રી અર્જુનભાઇ મોઢવાડીયા પણ જોડાયા હતા. આ સફારી બાદ સમી સાંજે આ કાર્યક્રમની ભવ્ય શરૂઆત થઈ હતી. ગુજરાતના વન અને પર્યાવરણ મંત્રી અર્જુનભાઈ મોઢવાડિયા તથા કૃષિ મંત્રી જીતુભાઈ વાઘાણી સાસણ ખાતે ઇન્ટરનેશનલ ક્રિયેટર એવોર્ડ કાર્યક્રમમાં સહભાગી બન્યા હતા અને તેમના હસ્તે રંગમંચભૂમિના તેમજ ડિજિટલ સર્જકોને એવોર્ડ વિતરણ કરવામાં આવ્યા હતા. આ કાર્યક્રમમાં મંત્રીઓએ સર્જકોને શુભકામનાઓ આપી પ્રેરિત કર્યા હતા.
વન અને પર્યાવરણ મંત્રી અર્જુનભાઈ મોઢવાડિયા તથા કૃષિ મંત્રી જીતુભાઈ વાઘાણીના હસ્તે રંગમંચ તેમજ ડિજિટલ સર્જકોને એવોર્ડ અપાયા હતા ઉપરાંત કાર્યક્રમના અંતે અમદાવાદથી ઉપસ્થિત તમામ મીડિયાના પત્રકારમિત્રોનું આ કાર્યક્રમના આયોજકો દ્વારા મોમેન્ટો આપી સન્માનિત કરાયા હતા.
