આ પણ વાંચો ટ્રેન્ડિંગ સમાચાર
વડોદરાઃ વડોદરામાં નિવૃત બેન્ક અધિકારીઓ માટે ચેતવણી રૃપ વધુ એક કિસ્સો બન્યો છે. જેમાં બરોડા બેંન્કના નિવૃત્ત મેનેજરને નિવૃત્તિના લાભો અપાવવાના નામે ફસાવી ૧૮.૯૫ લાખ ટ્રાન્સફર કરાવી લેતા તેમને સાયબર સેલમાં ફરિયાદ કરી છે.
વાઘોડિયા રોડ પર નિલેશપાર્કમાં રહેતા નિવૃત બેંન્ક મેનેજર ભુપેશભાઈ દવેએ પોલીસને કહ્યું છે કે,મારા પર એક કોલ આવ્યો હતો અને પેન્શનરો માટે સવલતની વાતો કરી હતી.ત્યારબાદ મારી પાસે એપીકે ફાઇલમાં વિગતો ભરાવવામાં આવી હતી.
આ દરમિયાન મારા બેન્ક એકાઉન્ટ માંથી કુલ રૃ ૧૮.૯૫ લાખ ટ્રાન્સફર થઈ ગયા હતા.જેથી સાયબર સેલે ગુનો નોંધી આ રકમ ક્યાં ટ્રાન્સફર થઈ છે તેની વિગતો મેળવવા તજવીજ હાથ ધરી છે.
નોંધનીય છે કે,જાન્યુઆરી મહિનામાં આવી જ રીતે દિવાળીપુરાના નિવૃત્ત બેંન્ક મેનેજર સજ્જનકુમારને નિવૃત્તિ પછીના લાભોના નામે એપીકે ફાઇલમાં વિગતો ભરાવીને ઠગોએ ૨૫ લાખ ઉપરાંતની રકમ પડાવી લેતા પોલીસ ફરિયાદ નોંધાઈ હતી.
