આ પણ વાંચો ટ્રેન્ડિંગ સમાચાર
અમદાવાદ,સોમવાર,9
માર્ચ,2026
અમદાવાદ મ્યુનિસિપલ કોર્પોરેશનના આઈસીડીએસ વિભાગના સર્વે
મુજબ વર્ષ-૨૦૨૫માં શહેરમાં ૫૭૭૭ કુપોષિત
તથા ૧૧૮૮ અતિકુપોષિત બાળકો મળી આવ્યા છે. આ બાળકોને સારુ પોષણ મળે એ બાબતના ફાંફા
છે.બીજી તરફ મ્યુનિસિપલ કોર્પોરેશન તરફથી યોજાતા જાહેર કે સરકારી કાર્યક્રમોમાં
હાજર રહેનારા મહાનુભવોને હાઈ ટી,
નાસ્તો અને પાણીની બોટલ આપવા પાછળ ફુડ
વિભાગ એક કરોડનું આંધણ કરશે. કોર્પોરેશનમાં વહીવટદારના શાસનમાં કોઈ જાહેર
કાર્યક્રમ થવાના નથી. આ બાબત સારી રીતે જાણવા છતાં ફુડ વિભાગના અધિકારીઓએ ઉતાવળે
ટેન્ડર કરી દીધુ છે.
આજના અમદાવાદમાં શહેરનો સર્વાંગી વિકાસ થઈ ગયો છે અને આ
વિકાસ શહેરના તમામ લોકો સુધી પહોંચી ગયો છે. એ બાબતને સ્વીકારી લેવી એ માત્ર તંત્ર
કે શાસકોની પીઠ ઠપઠપાવાથી વિશેષ કાંઈ નથી.વર્ષ-૨૦૨૬-૨૭ માટે કોર્પોરેશનના
સત્તાધીશોએ રુપિયા ૧૮૫૧૮ કરોડ કરોડનું વાર્ષિક અંદાજપત્ર ભલે મંજૂર કર્યુ હોય
પરંતુ દર વર્ષે કોર્પોરેશનના ઈન્ટીગ્રેટેડ ચાઈલ્ડ ડેવલપમેન્ટ સર્વિસ વિભાગ તરફથી
શહેરના ૪૮ વોર્ડમાં રહેતા કુપોષિત કે અતિકુપોષિત બાળકોને લઈ જે સર્વે કરવામા આવે
છે તેમની સ્થિતિ સુધારવા કોઈ વિશેષ આયોજન કરવાના બદલે રાજય સરકાર ઉપર આ વિષય છોડી
દીધો છે.અમદાવાદ પૂર્વ જ નહીં પણ પશ્ચિમના વોર્ડમાં પણ કુપોષિત કે અતિ કુપોષિત
બાળકો મળી આવ્યા છે.દરિયાપુરના કોર્પોરેટર નિરવ બક્ષીએ કહયુ, પાંચ વર્ષમાં
શાસકપક્ષે બાળકોના ભવિષ્યને લઈ કોઈ ચિંતા કરી નથી એનુ આ પરિણામ છે.
મ્યુનિ.કાર્યક્રમો માટે નકકી કરાયેલ મેનુમાં શું પીરસવામા
આવશે?
–૧૫૦
ગ્રામ ચવાણું, ૧ નંગ
સ્વીટ, ૧ નંગ
૫૦૦ મી.લી.પીવાના પાણીની બોટલ.
–સ્ટાન્ડર્ડ
હાઈ-ટી, કોફી
સાથે કૂકીસ, વેફર.
–હાઈ-ટી
સાથે ગરમ નાસ્તો.
–સેન્ડવીચ
સાથે હાઈ-ટી.
બાળકોને અપાતા પુરક પોષણમાં શું હોય છે?
–૩ વર્ષ
સુધીના બાળકો માટે બાલ શકિતના ૭ પેકેટ.
–૩ વર્ષ
સુધીના અતિકુપોષિત બાળકોને બાલ શકિતના ૧૦ પેકેટ.
–૬ વર્ષ
સુધીના અતિકુપોષિત બાળકોને બાલશકિતના ૪ પેકેટ.
–કિશોરીઓને
પૂર્ણ શકિતના ચાર પેકેટ.
૨૦૨૫માં કુપોષિત-અતિ
કુપોષિત બાળકો વાળા વોર્ડ
વોર્ડ કુપોષિત અતિકુપોષિત
–શાહીબાગ ૨૩૦ ૪૩
–રામોલ-હાથીજણ ૩૯૦ ૬૪
–શાહપુર ૪૨૦ ૮૦
–ઓઢવ ૨૪૨ ૪૪
–કુબેરનગર ૨૨૮ ૫૮
–વસ્ત્રાલ ૨૧૮ ૫૩
–દરિયાપુર ૨૦૫ ૩૭
–જમાલપુર ૨૪૬ ૬૪
–અસારવા ૨૦૪ ૩૬
–નરોડા ૧૭૬ ૨૮
–સૈજપુર ૧૭૭ ૪૬
–ભાઈપુરા ૧૭૦ ૬૪
–બાપુનગર ૧૫૦ ૨૮
–બહેરામપુરા ૧૩૯ ૨૩
–સરસપુર ૧૩૬ ૨૪
–ઈન્ડિયાકોલોની ૧૩૨ ૧૬
–અમરાઈવાડી ૧૧૯ ૧૮
–લાંભા ૧૩૧ ૨૭
–દાણીલીમડા ૧૫૨ ૪૯
–ગોમતીપુર ૧૨૪ ૨૧
–સરખેજ ૧૧૯ ૫૧
–વાસણા ૧૦૧ ૨૧
