આ પણ વાંચો ટ્રેન્ડિંગ સમાચાર
મિશન બ્રોડગેજ સુવિધા અંતર્ગત
ધારાસભ્ય જેવી કાકડીયા, માજી ધારાસભ્ય હર્ષદભાઈ રીબડીયા, સામાજિક આગેવાન એસ.એચ પરમાર, નયનભાઈ જોશી, દિલીપ ભાઈ કાનાબાર સહિતના આગેવાનો ઉપસ્થિત રહેશે
અમરેલી થી વિસાવદર સુધી બ્રોડગેજ સુવિધા માટે ધારી પત્રકાર સંઘ દ્વારા વ્યાજબી માંગ કરવામાં આવી રહેલ છે. બિનરાજકીય મુહીમ – મિશન કે જેનો લાભ લાખો લોકો મેળવી શકે એવા ઉદેશ્ય સાથે જનજાગૃતિ, સહી ઝુંબેશ, ઈમેઈલ ઝુંબેશ સહીત લેખિત અને મૌખિક ઉચ્ચ રજુઆતો કરવામાં આવી રહેલ છે. મિશન બ્રોડગેજ ને અમરેલી બ્રોડગેજ કમેટી, માનનીય સાંસદ ભરતભાઈ સુતરીયા થી લયને ચુંટાયેલા ધારાસભ્યો, જીલ્લા પંચાયત ના સદસ્યો, તાલુકા પંચાયત ના સદસ્યો, ધારી-ચલાલા-વિસાવદર પાલીકા સદસ્ય અને ચેમ્બર ઓફ કોમર્સ, વેપારી મહામંડળ, બજરંગ ગ્રુપ, આદરણીય વડીલો, સેવાભાવી સંસ્થાઓ તરફથી ખુબખુબ સાથ અને સહકાર મળી રહેલ છે.
સહી ઝુંબેશ હાથ ધરવામાં આવી ત્યાર થી લયને જીલ્લા કલેકટર અધિકારી, અમરેલીના સાંસદ ભરતભાઈ સુતરીયા, રેલ્વેના જનરલ મેનેજર , વિસાવદર રેલ્વે સ્ટેશન અધિકારી ની સાથોસાથ ધારી ગીર વન સંરક્ષક ને મૌખિક અને લેખિત રજુઆતો કરવામાં આવેલ છે. ત્યારે તા. ૧૮/૦૬/૨૦૨૬ ના રોજ કૌશીક ભાઈ વેકરીયા, ભરતભાઈ સુતરીયા, અતુલભાઈ કાનાણી ને ધારી પત્રકાર સંઘ લેખિત અને મૌખિક રજુઆતો કરવા જય રહેલ છે ત્યારે ધારી ના ધારાસભ્ય જેવી કાકડીયા, વિસાવદર ના માજી ધારાસભ્ય હર્ષદભાઈ રીબડીયા, આદરણીય શિક્ષક એસ.એચ પરમાર સાહેબ પણ સાથે જોડાશે અને લાખો લોકો ના હીત માટે મુસાફર જનતા ની સુવિધા માટે અમરેલી થી વિસાવદર સુધી બ્રોડગેજ સુવિધા મંજુર કરવામાં આવે તેવી માંગ કરશે.
હું હંમેશા જનતાની સુખાકારી માટે આપસહુ ની સાથે છું . જ્યારે પણ ફોન કરશો મારી હાજરી હશે :- ધારાસભ્ય જે.વી કાકડીયા
ધારી પત્રકાર સંઘ દ્વારા વ્યાજબી માંગ સાથે મિશન બ્રોડગેજ સુવિધા અંતર્ગત જ્યારે જ્યારે ધારાસભ્ય જે.વી કાકડીયા સાથે વાતચીત કરી છે ત્યારે ધારાસભ્ય એ જણાવ્યું હતું કે હું હંમેશા જનતાની સાથે છું. જનતા ના કોઈપણ પ્રશ્ને જરૂર પડ્યે સાદ કરજો હું હાજર થયા વિના નહીં રહું . અમરેલી થી વિસાવદર સુધી બ્રોડગેજ સુવિધા માટે મેં અગાઉ પણ અનેક રજૂઆતો કરી છે અને ધારી પત્રકાર સંઘે જ્યારે આ જનજાગૃતિ અભિયાન હાથ ધર્યું છે ત્યારથી હું તેમની સાથે વાતચીત કરી રહેલ છું. અને ઉચ્ચ અધિકારીઓ, સાંસદ ભરતભાઈ સુતરીયા, ગુજરાત ના મુખ્યમંત્રી ભુપેન્દ્ર ભાઈ પટેલ નુ પણ ધ્યાન દોરતો આવેલો છું. લાખો લોકો ને બ્રોડગેજ ની સુવિધા મળે , ચલાલા ધારી વિસાવદર નો આર્થિક વિકાસ થાય એ માટે બ્રોડગેજ ની વ્યાજબી માંગ ને હું એક જાગૃત ધારાસભ્ય તરીકે સંપૂર્ણ સહયોગ આપીશ એવી ખાતરી આપુ છું.
