આ પણ વાંચો ટ્રેન્ડિંગ સમાચાર
મુંબઈ : મુંબઈ ઝવેરી બજારમાં આજે સોના-ચાંદીના ભાવમાં ઘટાડો આગળ વધ્યો હતો. નવી માગ ધીમી હતી. વિશ્વ બજારના સમાચાર ભાવમાં વધુ ઘટાડો બતાવતા હતા. વિશ્વ બજારમાં ડોલરનો ગ્લોબલ ઈન્ડેક્સ વધતાં વૈશ્વિક સોનામાં ફંડોનું સેલીંગ વધ્યું હતું. દરમિયાન, ઘરઆંગણે કરન્સી બજારમાં આજે રૂપિયો તૂટતાં તથા ડોલરન ભાવ ઉછળતાં ઝવેરી બજારોમાં ભાવ ઘટાડો આજે તેટલા પ્રમાણમાં સિમિત રહ્યો હોવાનું બજારના સૂત્રોએ જણાવ્યું હતું.
દરમિયાન, ઈરાન તથા અમેરિકા વચ્ચે મડાગાંઠ તથા ઈરાન ફરતે અમેરિકાએ બ્લોકેડ ચાલુ રાખતાં વિશ્વ બજારમાં ક્રૂડતેલના ભાવ આજે વધુ ઉછળી બેરલના ઉંચામાં ૧૧૫ ડોલર ઉપર ગયા હતા.
દરમિયાન, ઘરઆંગણે અમદાવાદ ઝવેરી બજારમાં આજે સોનાના ભાવ ૧૧૦ ગ્રામના રૂ.૮૦૦ તથા ચાંદીના ભાવ કિલોના વધુ રૂ.૨૦૦૦ ઘટયા હતા. વિશ્વ બજારમાં સોનાના ભાવ ઔંસના ૪૫૮૦થી ૪૫૮૧ ડોલરવાળા નીચામાં ભાવ ૪૫૫૧ થઈ ૪૫૬૧થી ૪૫૬૨ ડોલર રહ્યા હતા. સોના પાછળ વૈશ્વિક ચાંદીના ભાવ ઔંસના ૭૨.૯૪ વાળા નીચામાં ભાવ ૭૨.૪૯ થઈ ૭૨.૫૧થી ૭૨.૫૨ ડોલર રહ્યા હતા.
દરમિયાન, અમદાવાદ સોનાના ભાવ ઘટી ૯૯૫ના રૂ.૧૫૨૪૦૦ તથા ૯૯૯ના રૂૃ.૧૫૨૭૦૦ રહ્યા હતા જ્યારે અમદાવાદ ચાંદીના ભાવ ઘટી રૂ.૨૪૦૦૦૦ રહ્યા હતા. મુંબઈ બુલિયન બજારમાં આજે સોનાના ભાવ જીએસટી વગગર ઘટી ૯૯૫ના રૂ.૧૪૭૩૮૦ તથા ૯૯૯ના રૂ.૧૪૭૯૭૩ રહ્યા હતા જ્યારે મુંબઈ ચાંદીના ભાવ ઘટી જીએસટી વગર રૂ.૨૩૬૩૦૦ રહ્યા હતા. મુંબઈ સોના-ચાંદીમાં જીએસટી સાથેના ભાવ આ ભાવથી ૩ ટકા ઉંચા રહ્યા હતા.
દરમિયાન, વિશ્વ બજારમાં ક્રૂડતેલ બજારમાં બ્રેન્ટ ક્રૂડના ભાવ બેરલના ૧૧૧.૯૫ વાળા વધી ૧૧૫.૪૩ થઈ ૧૧૪.૬૩ ડોલર રહ્યા હતા જ્યારે યુએસ ક્રૂડના ભાવ ઉંચામાં ૧૦૩.૮૨ થઈ ૧૦૨.૯૪ ડોલર રહ્યા હતા. ક્રૂડના ભાવ વોર ઈફેકટ વચ્ચે તાજેતરમાં ઉંચામાં ૧૨૦થી ૧૨૧ ડોલર થયા પછી યુદ્ધ વિરામના પગલે તાજેતરમાં ભાવ નીચામાં ૯૦ ડોલર પણ થયા હતા તે હવે નવેસરથી ઉછળતા જોવા મળ્યા છે.
દરમિયાન, વિશ્વ બજારમાં આજે પ્લેટીનમના ભાવ ઔંસના નીચામાં ૧૯૧૪ થઈ ૧૯૧૬ ડોલર રહ્યા હતા જ્યારે મુંબઈ બુલિયન બજારમાં આજે પ્લેટીનમના ભાવ ઘટી ૧૦ ગ્રામદીઠ રૂ.૬૧૯૭૭ બોલાયા હતા. વિશ્વ બજારમાં પેલેડીયમના ભાવ નીચામાં ૧૪૪૧ થઈ ૧૪૪૯થી ૧૪૫૦ ડોલર રહ્યા હતા.
