આ પણ વાંચો ટ્રેન્ડિંગ સમાચાર
Gujarat Weather Update: ગુજરાતમાં ઉનાળાના આકરા તાપ વચ્ચે હવામાન વિભાગ દ્વારા આગામી 3 દિવસ ભારે પવન અને મેઘગર્જના સાથે વરસાદનું એલર્ટ જાહેર કરવામાં આવ્યું છે. IMD અનુસાર, રાજ્યના મોટાભાગના વિસ્તારોમાં આગામી 5 જૂન સુધી વીજળીના કડાકા-ભડાકા સાથે હળવાથી મધ્યમ વરસાદની આગાહી છે. આ દરમિયાન 40થી 60 કિલોમીટર પ્રતિ કલાકની ઝડપે પવન ફૂંકાવવાની શક્યતા છે.
3 જૂનની આગાહી
હવામાન વિભાગના મુજબ, 3 જૂનના રોજ કચ્છ અને ઉત્તર ગુજરાતના જિલ્લામાં ભારે પવન અને ગાજવીજ સાથે વરસાદની શક્યતા છે. જેમાં બનાસકાંઠા, પાટણ, મહેસાણા, સાબરકાંઠા, અરવલ્લી, મહીસાગર, દાહોદ, પંચમહાલ અને ખેડા જિલ્લામાં 50થી 60 કિમીની ઝડપે પવન સાથે વરસાદનું અલર્ટ છે. જ્યારે અમદાવાદ, ગાંધીનગર, આણંદ, વડોદરા, ભરૂચ અને સુરત સહિતના મધ્ય-દક્ષિણ ગુજરાતના જિલ્લાઓ તથા સમગ્ર સૌરાષ્ટ્ર પંથકમાં પવનની 40થી 50 કિમીની ઝડપે પવન ફૂંકાશે. તેમજ મેઘગર્જના અને વીજળીના ચમકારા સાથે વરસાદી માહોલ રહેશે.
4 જૂનની આગાહી
આગામી 4 જૂનના રોજ સૌરાષ્ટ્ર, ઉત્તર ગુજરાત સહિત ગુજરાતના મોટાભાગના વિસ્તારોમાં ભારે પવન અને મેઘગર્જના સાથે વરસાદી માહોલ જોવા મળશે.
5 જૂનની આગાહી
હવામાન વિભાગના જણાવ્યા અનુસાર, આગામી 5 જૂનના રોજ માત્ર દક્ષિણ ગુજરાત અને પૂર્વ પટ્ટીમાં જ વરસાદી માહોલ જોવા મળશે. જેમાં વલસાડ, નવસારી, ડાંગ, તાપી, સુરત, ભરૂચ, નર્મદા, વડોદરા, છોટાઉદેપુર, પંચમહાલ, દાહોદ, મહીસાગર, અમરેલી અને ભાવનગર જિલ્લામાં 40થી 50 કિમીની ઝડપે પવન સાથે છૂટાછવાયા સ્થળે વરસાદની શક્યતા છે.
