Gold-Silver Rate Today: સોના અને ચાંદીના ભાવમાં મોટા ઘટાડા બાદ હવે ફરી એકવાર તેજી જોવા મળી રહી છે. આ સપ્તાહના પ્રથમ દિવસે ભાવમાં જોરદાર ઘટાડો થયા બાદ, હવે સતત 3 દિવસથી બંને કિંમતી ધાતુઓના ભાવમાં ઉછાળો આવી રહ્યો છે. મલ્ટી કોમોડિટી એક્સચેન્જ (MCX) પર ચાંદીના ભાવ જે તેના ઓલ-ટાઇમ હાઇ લેવલથી 2 લાખ કરતાં પણ વધુ ઘટી ગયા હતા, તે માત્ર 3 દિવસમાં જ 13,000થી વધુ વધી ગયા છે. સોનાની ચમકમાં પણ ઉત્તરોત્તર વધારો થઈ રહ્યો છે.
ચાંદીના ભાવમાં ઉછાળો
MCX સિલ્વર પ્રાઇસ પર નજર કરીએ તો, આ ગુરુવારે બજાર ખુલતાની સાથે જ તેમાં મોટો ઉછાળો જોવા મળ્યો હતો. બુધવારે ચાંદી 2,53,265 પર બંધ થઈ હતી, જે ગુરુવારે વધીને 2,57,055 પર પહોંચી ગઈ હતી. આ સપ્તાહે સોમવારે ચાંદીનો ભાવ ઘટીને 2,43,895 થયો હતો, પરંતુ ત્યારબાદ છેલ્લા 3 દિવસમાં જ તેમાં 13,160નો તોતિંગ વધારો થયો છે. ઉલ્લેખનીય છે કે, જાન્યુઆરી મહિનામાં 1 કિલો ચાંદીનો ભાવ 4.57 લાખની ઐતિહાસિક સપાટીએ પહોંચ્યો હતો, જેની સરખામણીએ અત્યારે ચાંદી હજુ પણ 2,00,273 જેટલી સસ્તી મળી રહી છે.
સોનાની કિંમતમાં પણ સતત વધારો
ચાંદીની સાથે સોનાના ભાવમાં પણ તેજી યથાવત્ છે. બુધવારે MCX પર સોનું 1,52,132 પર બંધ થયું હતું, જે ગુરુવારે ખુલતાની સાથે જ 1,52,887 પ્રતિ 10 ગ્રામ પર પહોંચી ગયું હતું. મંગળવારે સોનું 1,49,339ના સ્તરે હતું, જે છેલ્લા ત્રણ દિવસમાં 3548 મોંઘું થયું છે.
આ પણ વાંચો: કસ્ટમ સત્તાવાળાઓ દ્વારા ક્લિઅરન્સ ઓર્ડર જારી નહીં કરાતા સોનાચાંદીની આયાત અવરોધાઇ
ઓલ-ટાઇમ હાઇથી હજુ પણ સોનું આટલું સસ્તું
સોનાના ભાવમાં હાલ તેજીનો માહોલ જોવા મળી રહ્યો છે, તેમ છતાં તે તેના અત્યાર સુધીના સૌથી ઊંચા સ્તર(Life Time High) કરતાં હજુ પણ ઘણું સસ્તું છે. જાન્યુઆરી મહિનામાં સોનાનો ભાવ વધીને 2,02,984ની ઐતિહાસિક સપાટીએ પહોંચ્યો હતો. તે ઊંચા સ્તરની સરખામણીએ અત્યારે 24 કેરેટ સોનું 10 ગ્રામ દીઠ હજુ પણ 50,097 જેટલું સસ્તું મળી રહ્યું છે. અમેરિકા અને ઈરાન વચ્ચે ચાલી રહેલા તણાવ છતાં બજારમાં સોના-ચાંદીના ભાવમાં આ પ્રકારની વધઘટ સતત જોવા મળી રહી છે.
આ પણ વાંચો ટ્રેન્ડિંગ સમાચાર
Gold-Silver Rate Today: સોના અને ચાંદીના ભાવમાં મોટા ઘટાડા બાદ હવે ફરી એકવાર તેજી જોવા મળી રહી છે. આ સપ્તાહના પ્રથમ દિવસે ભાવમાં જોરદાર ઘટાડો થયા બાદ, હવે સતત 3 દિવસથી બંને કિંમતી ધાતુઓના ભાવમાં ઉછાળો આવી રહ્યો છે. મલ્ટી કોમોડિટી એક્સચેન્જ (MCX) પર ચાંદીના ભાવ જે તેના ઓલ-ટાઇમ હાઇ લેવલથી 2 લાખ કરતાં પણ વધુ ઘટી ગયા હતા, તે માત્ર 3 દિવસમાં જ 13,000થી વધુ વધી ગયા છે. સોનાની ચમકમાં પણ ઉત્તરોત્તર વધારો થઈ રહ્યો છે.
ચાંદીના ભાવમાં ઉછાળો
MCX સિલ્વર પ્રાઇસ પર નજર કરીએ તો, આ ગુરુવારે બજાર ખુલતાની સાથે જ તેમાં મોટો ઉછાળો જોવા મળ્યો હતો. બુધવારે ચાંદી 2,53,265 પર બંધ થઈ હતી, જે ગુરુવારે વધીને 2,57,055 પર પહોંચી ગઈ હતી. આ સપ્તાહે સોમવારે ચાંદીનો ભાવ ઘટીને 2,43,895 થયો હતો, પરંતુ ત્યારબાદ છેલ્લા 3 દિવસમાં જ તેમાં 13,160નો તોતિંગ વધારો થયો છે. ઉલ્લેખનીય છે કે, જાન્યુઆરી મહિનામાં 1 કિલો ચાંદીનો ભાવ 4.57 લાખની ઐતિહાસિક સપાટીએ પહોંચ્યો હતો, જેની સરખામણીએ અત્યારે ચાંદી હજુ પણ 2,00,273 જેટલી સસ્તી મળી રહી છે.
સોનાની કિંમતમાં પણ સતત વધારો
ચાંદીની સાથે સોનાના ભાવમાં પણ તેજી યથાવત્ છે. બુધવારે MCX પર સોનું 1,52,132 પર બંધ થયું હતું, જે ગુરુવારે ખુલતાની સાથે જ 1,52,887 પ્રતિ 10 ગ્રામ પર પહોંચી ગયું હતું. મંગળવારે સોનું 1,49,339ના સ્તરે હતું, જે છેલ્લા ત્રણ દિવસમાં 3548 મોંઘું થયું છે.
આ પણ વાંચો: કસ્ટમ સત્તાવાળાઓ દ્વારા ક્લિઅરન્સ ઓર્ડર જારી નહીં કરાતા સોનાચાંદીની આયાત અવરોધાઇ
ઓલ-ટાઇમ હાઇથી હજુ પણ સોનું આટલું સસ્તું
સોનાના ભાવમાં હાલ તેજીનો માહોલ જોવા મળી રહ્યો છે, તેમ છતાં તે તેના અત્યાર સુધીના સૌથી ઊંચા સ્તર(Life Time High) કરતાં હજુ પણ ઘણું સસ્તું છે. જાન્યુઆરી મહિનામાં સોનાનો ભાવ વધીને 2,02,984ની ઐતિહાસિક સપાટીએ પહોંચ્યો હતો. તે ઊંચા સ્તરની સરખામણીએ અત્યારે 24 કેરેટ સોનું 10 ગ્રામ દીઠ હજુ પણ 50,097 જેટલું સસ્તું મળી રહ્યું છે. અમેરિકા અને ઈરાન વચ્ચે ચાલી રહેલા તણાવ છતાં બજારમાં સોના-ચાંદીના ભાવમાં આ પ્રકારની વધઘટ સતત જોવા મળી રહી છે.
