આ પણ વાંચો ટ્રેન્ડિંગ સમાચાર
વડોદરા,રેલવે સ્ટેશન પર પ્લેટફોર્મ – ૧ પર ટ્રેનમાંથી ઉતરતા સમયે ૨૩ વર્ષની યુવતી પડી જતા ગંભીર ઇજા થતા તેનું મોત થયું છે.
પોલીસ સૂત્રો દ્વારા મળતી માહિતી મુજબ, બિહારના ગયા જિલ્લામાં રહેતી ૨૩ વર્ષની ખુશ્બુકુમારી સુનિલપ્રસાદ સલાટવાડા ફતેગંજ વિસ્તારમાં રહેતી હતી. તે પ્રતાપગંજ વિસ્તારની રિવાઇવલ હોટલમાં હાઉસ કીપિંગનું કામ કરતી હતી. ગત ૧૩ મી તારીખે તે સુરતમાં રહેતી બહેનના ઘરે ખરીદી કરવા માટે જતી હતી. રેલવે સ્ટેશન પ્લેટફોર્મ – ૧ પર ટ્રેનમાં ચઢી ગયા પછી તે ઉતરતી હતી. તે દરમિયાન પડી જતા ગંભીર ઇજા થતા બેભાન થઇ ગઇ હતી. તેને સારવાર માટે સયાજી હોસ્પિટલમાં દાખલ કરવામાં આવી હતી. સારવાર દરમિયાન તેનું મોત થયું છે. જે અંગે રેલવે પોલીસે વધુ તપાસ હાથ ધરી છે.
