આ પણ વાંચો ટ્રેન્ડિંગ સમાચાર
જ્યારે જામેલી તાકાત સામે નવી જાગેલી તાકાત ઉભી થાય છે ત્યારે આ ટ્રેપ ઉપસ્થિત થાય છે : ગ્રીક તત્વજ્ઞા થ્યુસીડીઈડર્સ એથેન્સ સ્પાર્ટા યુદ્ધ સમયે આ શબ્દ આપ્યો
નવી દિલ્હી: અમેરિકાના પ્રમુખ ડોનાલ્ડ ટ્રમ્પ અને ચીનના પ્રમુખ શી જિનપિંગ વચ્ચેની ઐતિહાસિક બેઠક ઉપર સમગ્ર વિશ્વની નજર રહેલી છે. આ બેઠકમાં અનેક મુદ્દાઓ ઉપર ચર્ચા થઈ. તાઇવન જેવા સંવેદનશીલ મુદ્દા અંગે શી-જિનપિંગે પ્રમુખ ટ્રમ્પને સ્પષ્ટ ચેતવણી આપી હતી. મંત્રણા દરમિયાન ‘શી’એ થ્યુસીડીઈડઝ ટ્રેપનો ઉલ્લેખ કર્યો. તેના ગંભીર અર્થો નીકળી રહ્યાં છે.
ભૂરાજકીય વિદ્વાન ગ્રેહામ એવીસને ભૂ-રાજકીય સ્થિતિ સંબંધે આ શબ્દપ્રયોગનું વિશ્લેષણ કરતાં જણાવ્યું કે થ્યુસીડીઈડસ ટ્રેપનો અર્થ તે છે કે જ્યારે કોઈ ઉભરતી શક્તિ કોઈ સ્થાપિત પ્રતિભાશાળી શક્તિને વિસ્થાપિત કરવા પડકાર આપે ત્યારે આ પરિસ્થિતિ ઉત્પન્ન થાય છે. આ શબ્દ પ્રયોગ થ્યુસીડીઈસ નામક એક ઈતિહાસકાર અને વિદ્વાને સૌથી પહેલાં કર્યો હતો. તેમાં એથેન્સની જામેલી તાકાત સામે સ્પાર્ટાની ઉભરતી તાકાતે પડકાર ફેંકતા થ્યુસીડીઈડસે જણાવ્યું કે જ્યારે એક પ્રબળ અને જામેલી તાકાત સામે નવી ઉભરતી તાકાત પડકાર ફેંકે છે ત્યારે આ પરિસ્થિતિ થાય છે. એથેન્સની જામેલી તાકાત સામે સ્પાર્ટાની નવી ઊભરતી તાકાતે ફેંકેલો પડકાર તેનું ઉદાહરણ છે. આમ થ્યુસીડીઈડસે આપેલો આ સિદ્ધાત વિશ્વભરમાં ચીન-યુએસ સ્પર્ધામાં વપરાઈ રહ્યો છે.
