દેશભરના પત્રકારો બનશે ગુજરાત ABPSSના મહેમાન, સ્વાગતની તૈયારીઓ પૂર્ણતાના આરે
અખિલ ભારતીય પત્રકાર સુરક્ષા સમિતિ (ABPSS) ગુજરાત પ્રદેશ દ્વારા પત્રકારોના હક્ક, સુરક્ષા અને પત્રકાર સુરક્ષા કાનૂનને વધુ મજબૂત બનાવવા માટે આગામી તા. 28 જુલાઈ, 2026 (મંગળવાર) ના રોજ ગાંધીનગર ખાતે ભવ્ય પત્રકાર સંમેલનનું આયોજન કરવામાં આવ્યું છે.
આ રાષ્ટ્રીય સ્તરના સંમેલનમાં ભારતના વિવિધ રાજ્યોમાંથી મોટી સંખ્યામાં પત્રકારો 26 જુલાઈથી જ ગુજરાતમાં આગમન કરશે અને તેઓ ABPSS ગુજરાત પ્રદેશના મહેમાન તરીકે ઉપસ્થિત રહેશે. તેમના આત્મીય સ્વાગત, રહેવા, જમવા અને અન્ય વ્યવસ્થાઓ માટે સમગ્ર ગુજરાત ABPSS સંગઠન દ્વારા જોરશોરથી તૈયારીઓ ચાલી રહી છે.
આ સમગ્ર આયોજનમાં જિગ્નેશભાઈ કાલાવડિયા, ધવલભાઈ માકડીયા તેમજ ABPSS ગુજરાત પ્રદેશ અધ્યક્ષ મયુરદાન ગઢવીના માર્ગદર્શન હેઠળ રાજ્યભરના કાર્યકરો અને પત્રકારો ઉત્સાહપૂર્વક સેવા આપી રહ્યા છે. સંગઠન સાથે જોડાયેલા દરેક પત્રકારમાં અનોખો ઉમંગ અને ઉત્સાહ જોવા મળી રહ્યો છે.
ABPSS ગુજરાત પ્રદેશ અધ્યક્ષ મયુરદાન ગઢવીએ જણાવ્યું હતું કે પત્રકારોના અધિકારોની રક્ષા, સુરક્ષા અને કલ્યાણ માટે આ સંમેલન મહત્વપૂર્ણ સાબિત થશે. તેમણે ગુજરાતના તમામ પત્રકાર મિત્રો તથા સંગઠનના સભ્યોને અપીલ કરી છે કે તેઓ મોટી સંખ્યામાં ઉપસ્થિત રહી આ ઐતિહાસિક અભિયાનને સફળ બનાવે અને ભવિષ્યમાં પત્રકારોના હક્ક માટે યોજાનારા દરેક કાર્યક્રમમાં સક્રિય સહભાગી બને.
કાર્યક્રમની વિગતો:
તારીખ: 28 જુલાઈ, 2026 (મંગળવાર)
સમય: બપોરે 2:30 કલાકે
સ્થળ: વિશ્વ ઉમિયા ફાઉન્ડેશન, વૈષ્ણોદેવી મંદિર સામે, ગાંધીનગર-સરખેજ હાઈવે, જાસપુર (ગાંધીનગર)
“પત્રકાર સુરક્ષા કાનૂન… અમારો અધિકાર” ના સંકલ્પ સાથે યોજાનાર આ સંમેલન પત્રકાર એકતા અને સુરક્ષા માટે એક મહત્વપૂર્ણ સીમાચિહ્ન બનશે તેવી આશા વ્યક્ત કરવામાં આવી છે.
