આ પણ વાંચો ટ્રેન્ડિંગ સમાચાર
Punjab News : પંજાબના ફિરોઝપુર નગર કાઉન્સિલની ચૂંટણી પહેલા ભાજપને મોટો ઝટકો લાગ્યો છે. વોર્ડ નંબર-22ના જાહેર કરાયેલા પક્ષના ઉમેદવાર સામે સેક્સ રેકેટ સંબંધિત કેસ નોંધાયા બાદ રાજકારણ ગરમાયું છે. આ ઘટના બાદ ભાજપે તાત્કાલિક પોતાના ઉમેદવાર બદલી નાખ્યા છે.
મામલો સામે આવતા ભાજપે ઉમેદવારની હકાલપટ્ટી કરી
મીડિયા રિપોર્ટ મુજબ, ભાજપે 14 મેએ સોમાને પોતાના ઉમેદવાર જાહેર કર્યા હતા, પરંતુ 15 મેએ તેમની સામે દેહ વ્યાપારનો ગુનો નોંધાતા પક્ષે ઉમેદવારી પરત લઈ લીધી છે અને નવા ઉમેદવારની જાહેરાત કરી દીધી છે.
ચાર મહિલાઓ સહિત 7 લોકોની ધરપકડ
પોલીસના જણાવ્યા અનુસાર, બસ્તી સુનવાં વિસ્તારમાં એક ઘરમાં દેહ વ્યાપાર ચલાવવામાં આવી રહ્યો હોવાની ફરિયાદ મળી હતી, જેના કારણે સ્થાનિક વિસ્તારના વાતાવરણ પર ખરાબ અસર પડી રહી હતી. આ બાતમીના આધારે પોલીસે દરોડો પાડીને કાર્યવાહી કરી હતી, જેમાં ચાર મહિલાઓ સહિત કુલ સાત લોકોની ધરપકડ કરવામાં આવી છે.
આ પણ વાંચો : કોંગ્રેસ હાઈકમાન્ડ ફરી અસમંજસમાં! કેરલમનો વિવાદ ઉકેલાયો ત્યાં હવે આ રાજ્યમાં CMની ખુરશી માટે ખરાખરીનો જંગ
આરોપી ઉમેદવાર સોમાએ શું કહ્યું?
આ મામલે એસપી મનજીત સિંહે કહ્યું કે, તપાસ ચાલી રહી છે અને તમામ પાસાઓની ચકાસણી કરવામાં આવી રહી છે. બીજીતરફ, આરોપી ઉમેદવાર સોમાએ પોતાના પર લાગેલા આરોપોને નકારી કાઢ્યા છે અને જણાવ્યું છે કે તેઓ ચૂંટણી લડી રહ્યા હોવાથી તેમને રાજકીય ષડયંત્રના ભાગરૂપે ફસાવવામાં આવી રહ્યા છે. આ દરમિયાન ભાજપના નેતા અનુમીત સિંહ સોઢીએ સત્તાધારી પક્ષ પર રાજકીય બદલાની ભાવનાથી આ કાર્યવાહી કરાવવાનો આક્ષેપ કર્યો છે.
આ પણ વાંચો : NTA પેનલની શિક્ષિકા જ NEET પેપરલીકમાં માસ્ટર માઈન્ડ! પરીક્ષા પહેલા જ સવાલો આપી દીધાનો આરોપ
