આ પણ વાંચો ટ્રેન્ડિંગ સમાચાર
– બેરોજગારી વધી, સરેરાશ એક ખાલી જગ્યા માટે 251 ઉમેદવારની અરજી
– અધિક મદદનીશ ઇજનેર, સીનીયર કલાર્ક, લેબોરેટરી ટેકનીશ્યન સહિતની ખાલી જગ્યા માટે ભરતી કરાશે
ભાવનગર : ભાવનગર મહાનગરપાલિકામાં તાજેતરમાં ખાલી જગ્યા માટે ભરતી બહાર પાડવામાં આવી હતી અને ઉમેદવારોની અરજીઓ મંગાવવામાં આવી હતી પરંતુ ખાલી જગ્યાની સરખામણીએ ઉમેદવારોની અરજી ઘણી આવી છે. આ ખાલી જગ્યા માટે આગામી દિવસોમાં પરીક્ષા લેવામાં આવશે.
મહાનગરપાલિકાના જુદા જુદા સંવર્ગોની જગ્યાઓ ભરવા માટે ગત તા. ૯ થી તા. ર૯ જાન્યુઆરી-ર૦ર૬ સુધી અરજીઓ મંગાવવામાં આવી હતી, જેમાં અધિક મદદનીશ ઇજનેર, સીનીયર કલાર્ક, લેબોરેટરી ટેકનીશ્યન, ટેકનીકલ આસીસ્ટન્ટ, હેડ કલાર્ક વગેરે ૧૦ ખાલી જગ્યા માટે કુલ રપ૧૯ ઉમેદવારે અરજી કરી છે. સરેરાશ એક ખાલી જગ્યા માટે રપ૧ ઉમેદવારે અરજી કરી હોવાનુ જાણવા મળેલ છે તેમ માહિતી આપતા મહેકમ વિભાગના સુત્રોએ જણાવેલ છે. ઉલ્લેખનીય છે કે, મહાપાલિકામાં ખાલી જગ્યા માટે અરજીઓ આવી છે, જેના કારણે બેરોજગારી વધી હોવાનુ ચર્ચાય રહ્યુ છે. સરકાર દ્વારા રોજગારી આપવાના દાવા કરવામાં આવે છે પરંતુ રોજગારી ન મળતી હોવાથી ઉમેદવારો જુદી જુદી પરીક્ષામાં મોટી સંખ્યામાં ફોર્મ ભરતા હોય છે.
આગામી દિવસોમાં ખાલી જગ્યા માટે લેખીત પરીક્ષા લેવામાં આવશે પરંતુ પરીક્ષા માટેની હજુ સત્તાવાર તારીખ જાહેર કરવામાં આવી નથી તેમ મહાપાલિકાના સુત્રોએ જણાવેલ છે. આ પરીક્ષા માટે હાલ ઉમેદવારોએ તૈયારીઓ હાથ ધરી છે.
મહાપાલિકાની ભરતી માટે ભરાયેલ ફોર્મની માહિતી
|
સંવર્ગનું |
|
અધિક |
|
અધિક |
|
સીનીયર |
|
લેબોરેટરી |
|
ટેકનીકલ |
|
હેડ |
|
કુલ ૧૦ રપ૧૯ |
|
|
