આ પણ વાંચો ટ્રેન્ડિંગ સમાચાર
પોલીસ
ચોકીની સામે જ શરમજનક ઘટનાથી ભારે ચકચારી મચી
ભાજપનો
આંતરિક ડખ્ખો રોડે ચડયો, શહેર પ્રમુખ અને કાઉન્સિલરના જૂથોએ જાહેરમાં ધબધબાટી બોલાવી
મહુવા –
મહુવા નગરપાલિકાની સત્તાની ખુરશી કબજે કરનાર ભાજપે હજુ વહીવટ
સંભાળ્યો નથી. ત્યારે મહાકલેશન સામે આવ્યો છે. પ્રમુખ-ઉપપ્રમુખની વરણી માટે મળેલી
બેઠક પૂર્ણ થયા બાદ શહેર પ્રમુખ અને કાઉન્સિલરના બે જૂથો જાહેરમાં જ ધબધબાટી ઉપર
ઉતરી આવતા લાકડી અને ધોકા લઈ એકબીજા પર તૂટી પડયાં હતા. ન.પા.ની બહાર અને પોલીસ
ચોકીની સામે જ ઘટેલી શરમજનક ઘટનાએ ભારે ચકચાર મચાવી છે.
મહુવા
નગરપાલિકાના ૯ વોર્ડની ૩૬ સીટમાંથી ભાજપે ૨૪ સીટ કબજે કરી સત્તા હાંસલ કર્યા બાદ
આજે મંગળવારે પ્રમુખ અને ઉપપ્રમુખની ચૂંટણી માટે ન.પા.ના ભાણાભાઈ રૃખડભાઈ મકવાણા
સભાખંડમાં પ્રથમ બેઠક મળી હતી. પ્રાંત અધિકારી અને ચીફ ઓફિસરની હાજરીમાં મળેલી
બેઠકમાં ન.પા.ના પ્રમુખ પદ માટે સામાન્ય મહિલાની વરણી કરવાની હોય, મિતલબેન રાજેશભાઈ
જોશીને સર્વાનુમતે પ્રમુખનો તાજ પહેરાવવામાં આવ્યો હતો. તેમજ પ્રમુખ પદ માટે ૨૩
નગરસેવકોના ટેકા સાથે ભાજપના જયપાલસિંહ સુખદેવસિંહ વાળાની વરણી કરવામાં આવી હતી.
કોંગ્રેસ
પાસે બહુમતી ન હોવા છતાં પ્રમુખની રેસમાં જયશ્રીબેન સરવૈયા અને ઉપપ્રમુખની
ચૂંટણીમાં સૈયદભાઈ ભાગોતે દાવેદારી કરી હતી. બન્નેને કોંગ્રેસના ૧૧ સભ્યોએ ટેકો
આપ્યો હતો.
પ્રમુખ-ઉપપ્રમુખની
વરણી બાદ ભાજપના નગરસેવકો,
ટેકેદારોએ ન.પા. કચેરીની બહાર આવી ફટાકડા ફોડી પ્રમુખ-ઉપપ્રુમખને
વધાવ્યા હતા. આ સમયે ભાજપમાં ઘણાં લાંબા સમયથી ચાલી રહેલો આંતરિક ડખ્ખો રોડે ચડયો
હતો. વોર્ડ નં.૪ના ભાજપના કાઉન્સિલર એલ.બી. ભુત અને મહુવા શહેર ભાજપ પ્રમુખ
દીપકભાઈ જાનીના જૂથ વચ્ચે પ્રથમ શાબ્દિક ઘર્ષણ થયા બાદ જાહેર રસ્તો મહાભારતનું
મેદાન બન્યું હોય તેમ બન્ને જૂથના લોકો આમને-સામને આવી ગયા હતા અને જાહેરમાં
ધબધબાટી બોલાવી બેફામ ગાળો સાથે એક-બીજાને લાકડી-ધોકાના ઘા મારી ઈજાઓ પહોંચાડી
હતી. ભાજપના બે જૂથ વચ્ચે થયેલી મારામારીની ઘટનાના વીડિયો વાયરલ થતાં વિરોધીઓ
હરખાયા હતા. સમગ્ર બનાવ ટોક ઓફ ધ ટાઉન બન્યો હતો. મામલો પોલીસ મથક સુધી પણ
પહોંચ્યો હોવાનું જાણવા મળ્યું છે.
બેઠકમાં
પ્રથમ ચકમક ઝરી હતી
મહુવામાં
ભાજપમાં જૂથબંદીનો વિવાદ પ્રમુખ અને ઉપપ્રમુખની વરણી માટે મળેલી બેઠકમાં જ સામે
આવી ગયો હતો. મારામારી પહેલા બેઠક દરમિયાન પણ એક-બે વખત ચકમક ઝરી હતી. ત્યારબાદ
ભાજપ માટે શરમજનક કહીં શકાય તેમ જાહેર રસ્તા પર લાકડા-ધોકા ઉડાડી હિંસક સ્વરૃપ
આપવામાં આવ્યું હતું. આ બનાવને કારણે ટ્રાફિકજામ થતાં વાહનચાલકો પણ અટવાયા હતા.
