આ પણ વાંચો ટ્રેન્ડિંગ સમાચાર
Jamnagar Court Order : જામનગરમાં મુરલીઘર સોસાયટીમાં રહેતા હીતેશ બાબુભાઇ લાંબા પાસેથી મોરબીના બુટાવદર ગામમા રહેતા અને અંજલી કોલ કોર્પોરેશનના નામથી ધંધો કરતા ધર્મેન્દ્રસિંહ દિલીપસિંહ જાડેજાએ પોતાના ધંધા માટે કોલસો ખરીદયો હતો
જેની વેચાણ કિંમત ચુકવવા ધર્મન્દ્રસિંહ જાડેજાએ એકસીસ બેંક, મોરબી શાખાનો રૂ.10 લાખનો ચેક મુદતે પાસ થઈ જવાના વિશ્વાસે આપેલો હતો, જે ચેક આરોપી ધર્મેન્દ્રસિંહ જાડેજાના બેંક ખાતામાં ચેક પાસ થાય તેટલુ ભંડોળ ન હોય ફંડસ ઈન શફીશ્યન્ટના કારણસર બાઉન્સ થયો હતો. જેથી ફરયાદી હીતેશ લાંબાએ તેમના વકીલ મારફત નોટીશ આપી ચેકની રકમ 15 દિવસમાં ચુકવી આપવા સુચના આપી હતી, છતાં રકમ નહી ચુકવતા હીતેશભાઈએ ચેક બાઉન્સ થવા અંગે ઘી નેગોશીથૈબલ ઈન્સ્ટ્રુમેન્ટ એકટ કલમ-138 હેઠળ આરોપી ધર્મેન્દ્રસિંહ જાડેજા વિરૂધ્ધ ફરીયાદ દાખલ કરાવી હતી.
જે કેસ ચાલી જતા ફરીયાદી દ્રારા રજુ કરાયેલો મૌખીક-દસ્તાવેજી પુરાવો ધ્યાન લઈ ત્થા ફરયાદી તરફે થયેલ વિસ્તૃત દલીલ ધ્યાને લઈ આરોપી ધર્મેન્દ્રસિંહ દલિીપસિંહ જાડેજાને 2 વર્ષની પુરે-પુરી સજા તથા ચેકની રકમ રૂપીયા દશ લાખ ઉપર નવ ટકા વ્યાજ સાથે ચુકવવા હુકમ કર્યો છે.
