આ પણ વાંચો ટ્રેન્ડિંગ સમાચાર
અમદાવાદ,શુક્રવાર,22 મે,2026
અમદાવાદ મ્યુનિસિપલ કોર્પોરેશન વતીથી કમિશનર બંછાનિધિ પાનીએ
પાણી પહેલા પાળ બાંધી છે. પહેલી જુનથી ૨૦ સપ્ટેમ્બર સુધી પાલડી ખાતે મોન્સૂન
કંટ્રોલરુમ કાર્યરત રખાશે.ત્રણ શિફટમાં ચોમાસાની પૂર્ણાહૂતિ સુધી કોર્પોરેશનના
વિવિધ વિભાગના કર્મચારીઓ અને અધિકારીઓ કંટ્રોલરુમમા ફરજ બજાવશે.
કંટ્રોલરૃમના ઓવરઓલ ઈન્ચાર્જ તરીકે એડીશનલ ચીફ ઈજનેર દેવાંગ
દરજી ઉપરાંત ઈન્ચાર્જ એડીશનલ સીટી ઈજનેર જીજ્ઞેશ કે શાહ,બ્રિજ પ્રોજેકટ
તેમજ એડીશનલ સીટી ઈજનેર જગદીશભાઈ અસારી
વોટર પ્રોજેકટ ફરજ બજાવશે.ચોમાસામા નિચાણવાળા વિસ્તારોમા ભરાતા વરસાદી પાણીના ઝડપી
નિકાલ માટે ઝોનલ કંટ્રોલરૃમને સેન્ટ્રલ વર્કશોપ ખાતેથી ડીવોટરીંગ પંપની વ્યવસ્થા
કરવા સુચના આપવામા આવી છે.એડીશનલ સીટી ઈજનેરથી લઈ આસીસ્ટન્ટ ઈજનેર સુધીના તમામને
તેમને સોંપવામા આવેલી તારીખ અને શિફટમાં ફરજ બજાવવાની રહેશે.વાસણા બેરેજ ખાતે પણ
અધિકારીઓને ફરજ સોંપવામા આવી છે.તેમણે કોર્પોરેશનના મુખ્ય કંટ્રોલરુમ અને સિંચાઈ
વિભાગ સાથે સંકલનમા રહેવુ પડશે.
