આ પણ વાંચો ટ્રેન્ડિંગ સમાચાર
વડોદરાઃ વડોદરાના વાઘોડિયા રોડ વિસ્તારમાં હાઇવે પર આજે રાત્રે એક ગોડાઉનમાં ભીષણ આગ લાગતાં વાહનચાલકો તેમજ આસપાસના લોકોમાં ભારે ગભરાટ ફેલાયો હતો.
વાઘોડિયા ચોકડી પાસે આવેલા ગોડાઉનમાં આગ લાગવાનું ચોક્કસ કારણ જાણી શકાયું નથી.પરંતુ થોડી જ વારમાં આગ ઝડપભેર પ્રસરી જતાં વિકરાળ સ્વરૃપ જોવા મળ્યું હતું.
બનાવને પગલે એક કિમી વિસ્તારમાં ધુમાડા છવાયા હતા.જેને કારણે ત્યાંથી પસાર થતા વાહનચાલકો તેમજ રહીશોમાં ગભરાટ ફેલાયો હતો.આ વિસ્તારના ગોડાઉનોમાં આગ લાગવાના વારંવાર બનાવો બનતા હોવાથી ફાયર સેફ્ટીની સુવિધા રાખવામાં આવે તે જરૃરી છે.
ઉપરોક્ત બનાવમાં ગોડાઉનમાં કેમિકલ વેસ્ટનું પ્રમાણ વધુ હોવાનું જણાઇ આવ્યું હતું.જેને કારણે આગ કાબૂમાં લેતાં નાકે દમ આવી ગયો હતો.પાણીગેટ અને ઇઆરસીની બે ટીમો કામે લાગી હતી અને બે કલાકે આગ નું જોર ઘટયું હતું.
