આ પણ વાંચો ટ્રેન્ડિંગ સમાચાર
વડોદરાઃ સ્ક્રેપના ગોડાઉનમાં આગ લાગવાનો વધુ એક બનાવ બનતાં ગોડાઉનોની ફાયર સેફ્ટી પ્રત્યે રખાતી બેદરકારી ચર્ચાનો વિષય બની છે.
વડોદરાની આસપાસના વિસ્તારોમાં સંખ્યાબંધ ગોડાઉનો આવેલા છે.જેમાં પ્લાસ્ટિક,કેમિકલના કારબા,પૂંઠા સહિતનો સ્ક્રેપ ભેગો કરવામાં આવતો હોય છે.કેટલાક ગોડાઉનોમાં ફાયર સેફ્ટી માટે સવલત કરવામાં આવી છે.પરંતુ અનેક ગોડાઉનોમાં આ પ્રકારની વ્યવસ્થા નહિ હોવાથી આસપાસના રહેવાસીઓ માટે જોખમ સર્જાયું છે.
ગઇ સાંજે વાઘોડિયા ચોકડી પાસે આવેલા વિરાટ એસ્ટેટમાં સ્ક્રેપના ગોડાઉનમાં આગ લાગી હતી.આગ એટલી ભીષણ હતી કે એના લપકારા દૂરદૂર સુધી જોઇ શકાતા હતા અને આસપાસના વિસ્તારમાં ધુમાડાના વાદળો છવાયા હતા.
ફાયર બ્રિગેડ દ્વારા બે કલાક જેટલી કામગીરી કરાયા બાદ આગ કાબૂમાં આવી હતી.વાઘોડિયા ચોકડી પાસે અગાઉ પણ સ્ક્રેપના ગોડાઉનોમાં આગના અનેક બનાવ બન્યા છે.જ્યારે વડોદરાની આસપાસમાં બે મહિનાના ગાળામાં અડધો ડઝનથી વધુ આગના બનાવ બન્યા છે.
ગોત્રીના મકાનમાં એસીમાં શોટસર્કિટ થતાં ભીષણઆગ
ગોત્રીની હરિનગર સોસાયટીના એકમકાનમાં ગઇરાત્રે એક મકાનમાં લાગેલી આગ કાબૂમાં લેતાં ફાયર બ્રિગેડને ભારે જહેમત પડી હતી.પ્રાથમિક તબક્કે આગનું કારણ એસીમાં શોટસર્કિટ હોવાનું મનાય છે. આગને કારણે ઘણી ઘરવખરી ખાક થઇ ગઇ હતી.સારાનસીબે આ બનાવમાં કોઇ જાનહાનિ થઇ નથી.
