આ પણ વાંચો ટ્રેન્ડિંગ સમાચાર
Silver and Gold Price Hike : વૈશ્વિક બજારમાં કિંમતી ધાતુઓના ભાવમાં આવેલા જબરદસ્ત ઉછાળાની સીધી અસર ભારતીય વાયદા બજાર (MCX) પર જોવા મળી રહી છે. આજે ટ્રેડિંગ દરમિયાન સોના અને ચાંદીના ભાવમાં પ્રચંડ તેજી જોવા મળી છે, જેના કારણે રોકાણકારોમાં ખુશીનો માહોલ છે.
ચાંદીમાં ₹12,196 નો રેકોર્ડબ્રેક ઉછાળો
ઉલ્લેખનીય છે કે ચાંદીમાં છેલ્લા કેટલાક દિવસોથી યુદ્ધને કારણે કડાકાની સ્થિતિ જોવા મળી રહી હતી પરંતુ આજે અચાનક જ મોટો ગેપ અપ ઉછાળો આવ્યો છે. બજાર ખુલતા જ ચાંદીના ભાવમાં આજે એકઝાટકે મોટો ઉછાળો નોંધાયો છે. જોકે આજે ચાંદી ઊંચામાં 236137ની સપાટીને સ્પર્શી હતી. જેના પરથી કહી શકાય કે ચાંદી લગભગ 12196 રૂપિયા મોંઘી થઈ હતી.
જૂનો બંધ ભાવ (Prev. Close): 2,23,941.00
આજનો ઓપન ભાવ (Open): 2,32,898.00
સમાચાર લખાય છે ત્યારે સ્થિતિ: ચાંદી હાલમાં 2,34,550.00 પર ટ્રેડ થઈ રહી છે. એટલે કે, ચાંદીમાં અત્યાર સુધીમાં +10,609.00 (+4.74%) નો વધારો જોવા મળી રહ્યો છે. દિવસ દરમિયાન ચાંદી ઊંચામાં 2,36,137.00 સુધી પહોંચી હતી, જે અગાઉના બંધ ભાવથી આશરે 12,196.00 રૂપિયા જેટલી વધારે છે.
સોનું ₹1.47 લાખને પાર
સોનાના ભાવમાં પણ આજે તેજીનો કરંટ જોવા મળ્યો છે. રોકાણકારોમાં ખુશીની લાગણી પર્વર્તી રહી છે. સોનામાં આજે પ્રતિ 10 ગ્રામ લગભગ 5500થી વધુનો એકઝાટકે ઉછાળો આવ્યો હતો. જ્યારે સોનાએ આજે 147925 ની ટોચ બનાવી હતી. જેના પરથી કહી શકાય કે ચાંદી ગઈકાલની તુલનાએ આજે 5730 રૂપિયા વધુ મોંઘુ થયું હતું.
જૂનો બંધ ભાવ (Prev. Close): 1,42,195.00
આજનો ઓપન ભાવ (Open): 1,46,460.00
સમાચાર લખાય છે ત્યારે સ્થિતિ: સોનું હાલમાં +5,324.00 (+3.74%) ના વધારા સાથે 1,47,519.00 પર ટ્રેડ થઈ રહ્યું છે. આજે સોનાએ ઊંચામાં 1,47,925.00 ની સપાટી વટાવી હતી, જે અગાઉના બંધ ભાવ કરતા આશરે 5,730.00 રૂપિયા જેટલી વધુ છે.
તેજીનું મુખ્ય કારણ: આંતરરાષ્ટ્રીય સ્તરે ભૌગોલિક-રાજકીય તણાવ (Geopolitical Tension) અને ડોલરના મૂલ્યમાં થતી વધઘટને કારણે રોકાણકારો સોના-ચાંદીને સુરક્ષિત રોકાણ માની રહ્યા છે, જેને કારણે બજારમાં આ પ્રચંડ તેજી જોવા મળી રહી છે.
