ગાંધીનગર, સંજીવ રાજપૂત, એબીએનએસ: સિદ્ધપુર ડેન્ટલ કોલેજ એન્ડ હોસ્પિટલના ઇન્ટર્ન ડોક્ટરો માટે રાજ્ય સરકારએ સંવેદનાથી ભરેલો અને વિદ્યાર્થીઓના ભવિષ્યને મજબૂત બનાવતો મહત્વપૂર્ણ નિર્ણય લીધો છે. અગાઉ માસિક રૂ. ૧૨,૦૦૦ મળતું સ્ટાઈપેન્ડ હવે વધારીને રૂ. ૨૦,૧૬૦ કરવામાં આવ્યું છે, જેને કારણે સમગ્ર કોલેજ પરિવારમાં આનંદ અને ગૌરવની લાગણી પ્રસરી ગઈ છે.
આ પણ વાંચો ટ્રેન્ડિંગ સમાચાર
કોલેજના ડીન અને વહીવટી વિભાગ દ્વારા ગુજરાતના લોકપ્રિય અને વિદ્યાર્થીહિતેચ્છુ મુખ્યમંત્રી ભૂપેન્દ્ર પટેલ તથા આરોગ્યમંત્રી પ્રફુલ પાનશેરિયા સમક્ષ ઇન્ટર્ન ડોક્ટરોને સરકારી ધોરણ મુજબ યોગ્ય સ્ટાઈપેન્ડ મળે તે માટે રજૂઆત કરવામાં આવી હતી. સરકારે વિદ્યાર્થીઓની લાગણી અને પરિશ્રમને સમજતા માંગણીને સકારાત્મક સ્વીકારી આ વધારો જાહેર કર્યો છે.
ઇન્ટર્નશિપ દરમિયાન દિવસ-રાત દર્દીઓની સેવા આપતા યુવા ડોક્ટરો માટે આ નિર્ણય માત્ર આર્થિક સહારો નથી, પરંતુ તેમની મહેનત, સમર્પણ અને સપનાઓને મળેલી સરકારશ્રીની સંવેદનાત્મક કદર છે. આ વધારાથી વિદ્યાર્થીઓમાં નવી ઉર્જા, આત્મવિશ્વાસ અને સેવાભાવ વધુ મજબૂત બનશે.
સિદ્ધપુર ડેન્ટલ કોલેજ અને હોસ્પિટલના સર્વે ડોક્ટર સ્ટાફ, અધિકારીઓ તેમજ વિદ્યાર્થીઓએ રાજ્ય સરકારના આ વિદ્યાર્થીહિતના ઐતિહાસિક નિર્ણયને વધાવી લઈ મુખ્યમંત્રી ભૂપેન્દ્ર પટેલ તથા આરોગ્યમંત્રી પ્રફુલ પાનશેરિયાનો હૃદયપૂર્વક આભાર વ્યક્ત કર્યો હતો.
“વિદ્યાર્થીઓના સપનાઓને નવી ઉડાન આપતો આ નિર્ણય માત્ર સહાય નહીં, પરંતુ યુવા શક્તિ પ્રત્યે સરકારના વિશ્વાસ અને સંવેદનાનો જીવંત પુરાવો છે.”
<a href=
<p>The post વિદ્યાર્થીઓનું સશક્ત ભવિષ્ય જ રાજ્યની સાચી સંપત્તિ છે” : આરોગ્યમંત્રી first appeared on gandhinagarmetro.com.</p>
