આ પણ વાંચો ટ્રેન્ડિંગ સમાચાર
Vadodara SSG Hospital : વડોદરા શહેરમાં સૂરજ દાદાએ બતાવેલા આકરા તેવરને કારણે અંગ દઝાડતી કાળઝાળ ગરમીથી વડોદરાવાસીઓ હેરાન પરેશાન થઈ રહ્યા છે. ગરમીનો પારો 43 ડિગ્રી નજીક પહોંચી રહ્યો છે ત્યારે સામાન્ય નાગરિકો સાથે સરકારી હોસ્પિટલમાં સારવાર લઈ રહેલા દર્દીઓની હાલત પણ કફોડી બની ગઈ છે. આવી સ્થિતિની ગંભીરતા સમજીને વડોદરાની સયાજી હોસ્પિટલ તંત્ર દ્વારા દર્દીઓને ગરમીથી રાહત આપવા માટે યુદ્ધના ધોરણે નવા એર કુલરો મંગાવાયા છે. હોસ્પિટલના વિવિધ રોડમાં દાખલ દર્દીઓ ગરમી અને બફારાના કારણે વધુ હેરાન ન થાય તે માટે સુપ્રિન્ટેન્ડેન્ટ દ્વારા ખાસ સુચના આપવામાં આવી હતી.
મેડિસિન વોર્ડ, બાળકોનો પિડીયાટ્રીક્સ વોર્ડ અને સર્જરી વોર્ડ જેવા સંવેદનશીલ વિભાગમાં તાત્કાલિક ધોરણે એર કુલરો ઇન્સ્ટોલ કરવામાં આવ્યા છે. ગરમીને કારણે વોર્ડમાં પંખાઓ માત્ર ગરમ હવા ફેકતા હોવાની ફરિયાદો થઈ હતી. જેના નિરાકરણ માટે આ આધુનિક અને વધુ ક્ષમતા ધરાવતા કુલરો મૂકવામાં આવ્યા છે. હોસ્પિટલ સત્તાધિશોના જણાવ્યા અનુસાર એક સપ્તાહમાં હીટ સ્ટોક, ડીહાઇડ્રેશન અને અતિશય ગરમીના કારણે ચક્કર ખાઈને પડી જવાના કિસ્સાઓમાં વધારો નોંધાયો છે. આ પ્રકારના દર્દીઓને તાત્કાલિક ઠંડક આપવી અનિવાર્ય હોય છે. એસએસજી હોસ્પિટલમાં ખાસ હીટ સ્ટ્રોક વર્ડ પણ તૈયાર રાખવામાં આવ્યો છે જ્યાં એસી અને કુલરની સુવિધા સાથે આઈસ પેક અને ઓઆરએસના દ્રાવણની પૂરતી વ્યવસ્થા કરવામાં આવી છે. કુલરોમાં પાણી ભરવા અને તેની જાળવણી માટે વધારાના કર્મચારીઓને જવાબદારી સોંપવામાં આવી છે. જેથી દર્દીઓને 24 કલાક આ જાહેરાત આજે આપણે ઠંડી હવા મળી રહે. આ ઉપરાંત વોર્ડમાં પીવાના ઠંડા પાણીની પરબો પણ કાર્યરત કરવામાં આવી છે. હોસ્પિટલના સુપ્રીમ ટંડનટે જણાવ્યું હતું કે અમારો પ્રાથમિક ઉદ્દેશ્ય દર્દીઓને ગરમીથી બચાવવાનો અને તેમને આરામદાયક વાતાવરણ પૂરું પાડવાનો છે.
