આ પણ વાંચો ટ્રેન્ડિંગ સમાચાર
Surat : સુરત પાલિકાની ચૂંટણી પહેલા સુરત પાલિકાએ જાહેર કરેલા ડબલ ડેકર ટ્રાયલ રુટની જગ્યાએ મતદારોને રીઝવવા માટે રૂટ પર ટ્રાયલ શરૂ કરવામાં આવ્યું હતું. મોટા ઉપાડે પાલિકાએ ટ્રાયલ રન તો શરૂ કરી દીધો છે પરંતુ અણઘડ આયોજનના કારણે પાલિકાની એક ડબલ ડેકર ઓછી ઉંચાઈના જગ્યાએ ફસાઈ ગઈ હતી. ત્યારબાદ ડબલ ડેકરને કાઢવા માટે વૃક્ષની ડાળી કાપવી પડી હતી. ડબલ ડેકર ફસાઈ જતા ટ્રાફિક જામ થઈ ગયો હતો. આકરી ગરમીમાં ટ્રાફિક જામમાં ફસાયેલા લોકો પાલિકાના અણઘડ વહીવટ સામે આક્રોશ વ્યક્ત કરતા નજરે પડ્યા હતા.
સુરત પાલિકાએ ડુમસ સી ફેઝ પ્રોજેક્ટને લોકપ્રિય બનાવવા માટે ડબલ ડેકર શરૂ કરવા જાહેરાત કરી હતી. ત્યારબાદ ડબલ ડેકર માટે ઓર્ડર આપી દેવાયો હતો. પાલિકાએ અઠવાગેટ થી ડુમસનો રૂટ જાહેર કર્યો હતો. પાલિકાની ચૂંટણી પહેલા જીએસઆરટીસીની ડબલ ડેકર મંગાવી ટ્રાયલ રૂટ શરૂ કર્યો હતો. પરંતુ પાલિકાએ અઠવાગેટથી ડુમસના બદલે દિલ્હી ગેટથી કામરેજ અને દિલ્હી ગેટથી કોસાડ રૂટ શરૂ કર્યો હતો.
ડબલ ડેકરનો રૂટ શરૂ કર્યા બાદ પાલિકાના અધિકારીઓ એસી કેબીનમાં બેસી ગયા હતા. દરમિયાન ગરમીથી લોકોને બચાવવા માટે ટ્રાફિક સિગ્નલ પર બનાવેલા સિગ્લન ભુલી ગયા હતા. જેના કારણે આજે ટ્રાયલ માટે દોડતી ડબલ ડેકર ચંદ્રશેખર આઝાદ બ્રિજથી ગોટાલા વાડી તરફ જતા ચાર રસ્તા પર બસ અચાનક અટકી ગઈ હતી. ત્યારબાદ બ્રિજના ધરાણ સુધી લાંબો ટ્રાફિક જામ સર્જાયો હતો અને ગરમીમાં વાહનચાલકોને ભારે મુશ્કેલીનો સામનો કરવો પડ્યો હતો. પાલિકાના અધિકારીઓ અને કર્મચારીઓ સ્થળ પર દોડી આવ્યા હતા. બસને બહાર કાઢવા માટે ઇસ્કોન ઇન્ફીનિટી મોલ પાસેના ભાગથી વિકલ્પિક રસ્તો અપનાવવાનો પ્રયાસ કરવામાં આવ્યો હતો, પરંતુ ત્યાં આવેલ ઘનદાટ વૃક્ષ અવરોધ બન્યું હતું. અંતે ગાર્ડન વિભાગની ટીમને બોલાવી વૃક્ષની ડાળી કાપવામાં આવી અને ત્યારબાદ બસને બહાર કાઢવામાં આવી હતી. આ ઘટના બાદ પાલિકાએ બસના રૂટની કામગીરી સામે અનેક પ્રશ્નો ઉભા થયા છે.
