આ પણ વાંચો ટ્રેન્ડિંગ સમાચાર
Gold and Silver Prices Today: સોના-ચાંદીના ભાવમાં ઘટાડાનો સતત ચાલુ છે. અઠવાડિયાના બીજા દિવસે એટલે કે મંગળવારે મલ્ટી કોમોડિટી એક્સચેન્જ(MCX) પર ચાંદીના ભાવમાં પ્રતિ કિલો ₹2300થી વધુનો ઘટાડો નોંધાયો હતો. આ ઘટાડા બાદ ચાંદી હવે તેના ઓલ-ટાઇમ હાઈ લેવલથી અંદાજે ₹1.89 લાખ જેટલી સસ્તી થઈ ગઈ છે. માત્ર ચાંદી જ નહીં, સોનાના ભાવમાં પણ ઘટાડો જોવા મળ્યો છે, જેના કારણે ગ્રાહકોને મોટી રાહત મળી રહી છે.
ચાંદીના ભાવમાં મોટો ઘટાડો
MCX પર ચાંદીના ભાવની વાત કરીએ તો, 5 મેની એક્સપાયરી વાળી ચાંદી મંગળવારે ₹2,50,210 પ્રતિ કિલો પર ખૂલી હતી. અગાઉના બંધ ભાવ ₹2,52,545ની સરખામણીએ તેમાં ₹2335નો ઘટાડો જોવા મળ્યો હતો. ઉલ્લેખનીય છે કે, જાન્યુઆરી મહિનામાં ચાંદી ₹4,39,337ના ઐતિહાસિક શિખર પર પહોંચી હતી, જેની સરખામણીએ અત્યારે ચાંદી ₹1,89,127 જેટલી સસ્તી મળી રહી છે.
સોનાના ભાવમાં પણ સતત ઘટાડો
ચાંદીની જેમ સોનું પણ સતત ઘટી રહ્યું છે, જોકે ચાંદીની સરખામણીએ સોનામાં ઘટાડો થોડો ઓછો છે. 5 જૂનની એક્સપાયરી વાળું સોનું મંગળવારે ₹1,53,594 પ્રતિ 10 ગ્રામ પર આવી ગયું હતું, જે અગાઉના બંધ ભાવ કરતા ₹349 સસ્તું થયું છે. સોનું પણ જાન્યુઆરીમાં તેના રેકોર્ડ હાઈ ₹2,02,984 પ્રતિ 10 ગ્રામ પર પહોંચ્યું હતું, જે હવે તેના ઉચ્ચ સ્તરથી ₹49,390 જેટલું સસ્તું થઈ ગયું છે.
આ પણ વાંચો: રિઝર્વ બેંકે રૂપિયાની અસ્થિરતાને રોકવા કેટલાક નિયંત્રણો હળવા કર્યા
ઘરેલું બજારની સ્થિતિ
ઇન્ડિયન બુલિયન જ્વેલર્સ એસોસિએશન(IBJA) મુજબ, ઘરેલું બજારમાં સોનું અત્યારે ₹1.50 લાખ અને ચાંદી ₹2.50 લાખ પ્રતિ કિલોની આસપાસ છે. જોકે, ગ્રાહકોએ ખાસ ધ્યાન રાખવું કે જ્યારે તેઓ જ્વેલરી ખરીદવા જાય છે, ત્યારે આ ભાવ પર GST અને મેકિંગ ચાર્જ અલગથી ચૂકવવો પડે છે, જેના કારણે અંતિમ કિંમતમાં વધારો થાય છે.
