આ પણ વાંચો ટ્રેન્ડિંગ સમાચાર
Gujarat Weather Forecast: રાજ્યમાં સૌરાષ્ટ્ર અને દક્ષિણ ગુજરાત સહિતના વિસ્તારોમાં હળવાથી મધ્યમ વરસાદની આગાહી યથાવત છે. હવામાન વિભાગ મુજબ, આગામી 30 જૂન સુધી ભારે પવન અને ગાજવીજ સાથે વરસાદી માહોલ રહેશે. બુધવારે (24 જૂન) દક્ષિણ ગુજરાત અને સૌરાષ્ટ્રના કેટલાક જિલ્લાઓમાં વીજળીના કડાકા-ભડાકા અને તીવ્ર પવન સાથે ભારેથી અતિભારે વરસાદનું યલો એલર્ટ છે.
સૌરાષ્ટ્ર અને દક્ષિણ ગુજરાતમાં ભારે વરસાદનું એલર્ટ
IMD અનુસાર, 21 જૂને સુરત, ડાંગ, તાપી, નવસારી, વલસાડ, અમરેલી અને ભાવનગર જિલ્લામાં પણ ભારે વરસાદની આગાહી છે. જ્યારે રાજકોટ, જૂનાગઢ, ગીર સોમનાથ, બોટાદમાં 40 થી 50 કિલોમીટર પ્રતિ કલાકની ઝડપે પવન ફૂંકાવવા અને વીજળીના ચમકારા સાથે હળવાથી મધ્યમ વરસાદ વરસી શકે છે.
હવામાન વિભાગના જણાવ્યા અનુસાર, આગામી એક સપ્તાહ સુધી રાજ્યના તાપમાનમાં કોઈ મોટો ફેરફાર નહીં થાય. પરંતુ જુદા જુદા વિસ્તારોમાં વરસાદી માહોલ જામશે. જેમાં અમદાવાદ, ગાંધીનગર, મહેસાણા, સાબરકાંઠા, અરવલ્લી, ખેડા, આણંદ, પંચમહાલ, દાહોદ અને મહીસાગરમાં છૂટાછવાયા સ્થળોએ હળવાથી મધ્યમ વરસાદ કે ગાજવીજ સાથે ઝાપટાં પડી શકે છે. જ્યારે કચ્છમાં હવામાન મુખ્યત્વે સૂકું રહેવાની શક્યતા છે.
અમદાવાદમાં વાદળછાયું વાતાવરણની શક્યતા
અમદાવાદ અને આસપાસના વિસ્તારોની વાત કરીએ તો, શહેરમાં સામાન્ય રીતે વાદળછાયું વાતાવરણ રહેશે. સાંજ સુધીમાં અથવા રાત્રે એક-બે સ્પેલમાં વરસાદ અથવા ગાજવીજ સાથે ઝાપટાં પડવાની સંભાવના છે. શહેરમાં મહત્તમ તાપમાન 40°C ની આસપાસ રહેવાની શક્યતા છે, જેનાથી બફારાનો અહેસાસ થઈ શકે છે.
નર્મદાના સાગબારામાં 3 ઇંચ વરસાદ
21 જૂનના રોજ સવારે 6 વાગ્યાથી લઈને રાત્રે 10 વાગ્યા સુધી 11 તાલુકાના વરસાદ પડ્યો છે. જેમાં સૌથી વધુ નર્મદાના સાગબારામાં 3 ઇંચ વરસાદ નોંધાયો છે.
આગામી 6 દિવસની આગાહી
