આ પણ વાંચો ટ્રેન્ડિંગ સમાચાર
વડોદરાઃ વડોદરા મ્યુનિસિપલ કોર્પોરેશનની ચૂંટણી માટે આજે થયેલા મતદાનમાં વોર્ડ નંબર ૩માં વીઆઈપી રોડ પર અમિત નગર વિસ્તારમાં એક મહિલા મતદાર બાળ ગોપાલ( ભગવાન શ્રીકૃષ્ણનું બાળ સ્વરુપ)ને સાથે લઈને મતદાન મથકે પહોંચ્યા હતા.ભગવાન સાથે મતદાન કરવા પહોંચેલા શિવાની પ્રજાપતિ નામના મતદારને જોઈને અન્ય મતદારો તથા ચૂંટણીની ફરજ બજાવતા અધિકારીઓ અને કર્મચારીઓ પણ આશ્ચર્ય પામી ગયા હતા.મહિલાએ બાળ ગોપાલને સાથે રાખીને વોટ આપ્યો હતો અને સાથે સાથે નેતાઓ તેમજ વહીવટી તંત્ર સામે પોતાનો આક્રોશ પણ ઠાલવ્યો હતો.
શિવાની બેને કહ્યું હતું કે, હું વર્ષોથી કાન્હાની સેવા કરું છું.આજે જ્યારે વોટિંગ કરવાનું હતું તો જગતનો કારભાર જે સંભાળે છે તે કાન્હાને તો મારે જોડે રાખવા જરુરી હતા.શહેરલાંબા સમયથી ચાલી રહેલા ખોદકામના કારણે અકસ્માતનો ખતરો સતત તોળાયેલો રહે છે.હાલમાં જ રસ્તા પર પાણી ઢોળાયેલું હોવાથી મારો ભાઈ વાહન સાથે સ્લીપ થઈ ગયો હતો.ઉંડા ખાડાઓથી લોકો ત્રાહિમામ પોકારી ગયા છે.અમને એવા આગેવાનો જોઈએ છે જે સમસ્યાઓનો કાયમી ઉકેલ લાવે.
તેમણે આગળ કહ્યું હતું કે,હવે પછી ચૂંટાનારા કોર્પોરેટરોને ભગવાન સદબુધ્ધિ આપે અને તેઓ પ્રજાની મુશ્કેલી સમજીને ઝડપથી કામ પૂરા કરે.આ માટે જ મેં ભગવાનને સાથે રાખીને મતદાન કર્યું છે.
