આ પણ વાંચો ટ્રેન્ડિંગ સમાચાર
UAE on Strait of Hormuz : અમેરિકા-ઈરાન વચ્ચે હવે મહાયુદ્ધના ભણકારા વાગી રહ્યા છે. એકતરફ અમેરિકાએ ઈરાનને નષ્ટ કરવાની ખતરનાક યોજના ઘડી કાઢી છે તો ઈરાને પણ વળતી કાર્યવાહી કરવા પોતાની એર ડિફેન્સ એક્ટિવ કરી દીધી હોવાનો રિપોર્ટ સામે આવ્યો છે. અમેરિકા-ઈઝરાયલ ઈરાન પર સૈન્ય કાર્યવાહી કરશે તો ખાડી દેશો ફરી મુસીબતમાં મુકાઈ શકે છે. કારણ કે આ વખતે મોટાપાયે અને વ્યાપક તૈયારીઓની ચેતવણી આપવામાં આવી છે. હવે ફરી યુદ્ધની આશંકાઓ વચ્ચે સંયુક્ત આરબ અમીરાત (UAE)નું ફરી ટેન્શન વધી ગયું છે અને તેણે સત્તાવાર નિવેદન જાહેર કર્યું છે.
ઈરાનને નિર્ણયથી યુએઈ નારાજ
રૉયર્સના રિપોર્ટ મુજબ, યુએઈના એક સીનિયર અધિકારીએ શુક્રવારે કહ્યું કે, ઈરાને એકતરફી નિર્ણય લઈને હોર્મુઝ જળમાર્ગ બંધ કરી દીધો હોવાથી તેના પર વિશ્વાસન કરી શકાય. સૂત્રો મુજબ યુએઈએ હોર્મુઝ જળમાર્ગને લઈને કહ્યું કે, ઈરાને હોર્મુઝ બંધ કરતા તમામ સંબંધીત પક્ષોને હવે તેમના પર વિશ્વાસ નથી, ઈરાનના યુદ્ધ કરવાનો પ્રયાસો હજુ પણ વિવાદમાં ફસાયેલા છે. યુદ્ધના બે મહિના વિતી ગયા છતાં ઈરાનની નાકાબંધીના કારણે હોર્મુઝ બંધ છે. જ્યારે અમેરિકન સેના ઈરાન તરફથી ક્રૂડ ઓઈલની નિકાસ અટકાવી રહી છે.
વિશ્વમાં આર્થિક મંદી આવવાની સંભાવના
યુએઈ કહ્યું કે, હોર્મુઝમાં નાકાબંધીના કારણે વિશ્વનો 20 ટકા ક્રૂડ ઓઈલ અને ગેસ પૂરવઠો ખોરવાઈ ગયો છે, જેના કારણે વૈશ્વિક ક્રૂડ ઓઈલના ભાવમાં વધારો થયો છે. આ કારણે વિશ્વમાં આર્થિક મંદી આવવાની સંભાવના વધી ગઈ છે.
ઈરાને ડિફેન્સ સિસ્ટમ એક્ટિવ કરી !
બીજીતરફ સૂત્રોએ ઈરાનના બે વરિષ્ઠ અધિકારીઓને ટાંકીને કહ્યું કે, અમેરિકાની હરકતો બાદ ઈરાને પોતાની એર ડિફેન્સ સિસ્ટમ એક્ટિવ કરી દીધી છે. જો તેના પર હુમલો થશે તો તેણે પણ વ્યાપક જવાબી કાર્યવાહીની યોજના બનાવી દીધી છે. ઈરાનને આશંકા છે કે, અમેરિકા નાનો પણ જોરદાર હુમલો કરી શકે છે અને પછી ઈઝરાયલ પણ હુમલાઓ કરી શકે છે.
અમેરિકા હુમલો કરવાની તૈયારીમાં ! સેનાના ટોચના અધિકારીઓ સાથે ટ્રમ્પની વાતચીત
ઉલ્લેખનીય છે કે, અમેરિકાના રાષ્ટ્રપ્રમુખ ડોનાલ્ડ ટ્રમ્પ ઈરાન પર હુમલા કરવાની તૈયારીમાં હોવાની વિગતો સામે આવી છે. રિપોર્ટ મુજબ, અમેરિકી સેન્ટ્રલ કમાન્ડના કમાન્ડર બ્રેડ કૂપર અને જોઇન્ટ ચીફના ચેરમેને ગુરુવારે ટ્રમ્પ સાથે લગભગ 45 મિનિટ સુધી વાતચીત કરી છે, જેમાં ઈરાન પર હુમલા માટે ત્રણ યોજના તૈયાર હોવાની ટ્રમ્પને માહિતી આપી છે, તેવો એક્સિઓસે દાવો કર્યો છે. અમેરિકન સૈન્યના ટોચના અધિકારીઓ અને ટ્રમ્પ વચ્ચેની બેઠક બાદ ઈરાન પર ભયાનક હુમલાની સંભાવના વ્યક્ત કરવામાં આવી છે.
આ પણ વાંચો : અમેરિકાથી આવશે અબજો ડોલર! 11 મેથી ટેરિફ રિફંડ, જાણો ભારતને મળશે કેટલા હજાર કરોડ
ઈરાનને નષ્ટ કરવાની ટ્રમ્પની યોજના !
એટલું જ નહીં, ‘ધ ઈઝરાયલ ટાઇમ્સ’ અને ‘ધ જેરુસલેમ પોસ્ટે’ના રિપોર્ટના દાવા મુજબ અમેરિકાએ માત્ર 24 કલાકમાં ઈઝરાયેલને આશરે 6,500 ટન દારૂગોળો અને સૈન્ય સાધન-સામગ્રી મોકલી છે. આનાથી સ્પષ્ટ દેખાઈ રહ્યું છે કે, ટ્રમ્પ ગંભીર યોજના બનાવીને ઈરાન સાથેનો વિવાદ ખતમ કરવા મથી રહ્યા છે. જ્યારથી યુદ્ધ શરૂ થયું, ત્યારથી અમેરિકન સેન્ટ્રલ કમાન્ડને મધ્ય-પૂર્વમાં સૈન્ય અભિયાનો પુરા કરવાની કામગીરી સોંપાઈ છે અને તેઓએ જ ઈરાનના પોર્ટ પર નાકાબંધી કરીને રાખી છે.
અમેરિકાએ ઈઝરાયલને સૈન્ય હથિયારો મોકલ્યા
દાવામાં ઈઝરાયલી સંરક્ષણ મંત્રાલયને ટાંકીને કહેવાયું છે કે, અમેરિકાના બે કાર્ગો શીપ અને અનેક વિમાનો ઈઝરાયલ પહોંચ્યા છે. તેમાં હવાઈ અને જમીની હુમલામાં ઉપયોગ થતો 6500 ટન દારુગોળો, સૈન્ય ટ્રક, જોઈન્ટ લાઈટ ટેક્ટિકલ વ્હીકલ્સ અને અન્ય સૈન્ય સાધનો સામેલ હતા. ઉલ્લેખનીય છે કે, યુદ્ધ શરૂ થયા બાદ અમેરિકાએ ઈઝરાયલને લગભગ 1,15,600 ટન સૈન્ય સામગ્રી મોકલી દીધી છે. મંત્રાલયના જણાવ્યા મુજબ, ઈરાન વિરુદ્ધ ઓપરેશન રોરિંગ લાયન શરૂ કર્યા બાદ અમેરિકાએ 403 વિમાનો દ્વારા અને 10 દરિયાઈ જહાજો દ્વારા 1,15,600 સૈન્ય સાધનો ઈઝરાયલને મોકલાવ્યા છે.
ઈરાન પર બોંબની વર્ષા કરવાનો પ્લાન
એક્સિઓસના રિપોર્ટ મુજબ, અમેરિકી સેન્ટ્રલ કમાન્ડે ઈરાન પર હુમલો કરવા માટે નવી યોજના બનાવી છે. સૂત્રો મુજબ, અમેરિકા ઈરાન પર નાનો પણ જોરદાર હુમલો કરીને ઈન્ફ્રાસ્ટ્રક્ચરને નષ્ટ કરવાની યોજના વિચારી રહ્યું છે. તેઓને આશા છે કે, આમ કરીને ઈરાન પર દબાણ વધશે અને તે વાતચીત કરવા માટે માની જશે. અમેરિકન સેનાને આશા છે કે, બોંબનો વરસાદ થશે તો ઈરાન પરમાણુ મુદ્દે અમારી શરતો પર વાતચીત કરવા ઢીલું પડી જશે.
આ પણ વાંચો : ઈરાન પર ફરી મોટા હુમલાની તૈયારી? અમેરિકાએ 24 કલાકમાં ઈઝરાયલ મોકલ્યા 6500 ટન વિસ્ફોટક
