આ પણ વાંચો ટ્રેન્ડિંગ સમાચાર
અમદાવાદ, સોમવાર,30 માર્ચ,2026
હજુ ફેબુ્આરી મહિનામા જ અમદાવાદ મ્યુનિસિપલ કોર્પોરેશનનુ
રૃપિયા ૧૮૫૧૮ કરોડનુ વાર્ષિક બજેટ મંજુર કરવામા આવ્યુ છે.જયારે બીજી તરફ
કોર્પોરેશને સ્કૂલ હેતુ માટેના થલતેજ,ચાંદખેડા
ઉપરાંત હંસપુરા અને નિકોલના પ્લોટ વેચવાનો નિર્ણય કર્યો છે. આ તમામ પ્લોટની ૬ મેના
રોજ ઈ-હરાજી થશે.નોંધપાત્ર બાબત એ છે કે,
આ ચાર પ્લોટ વેચવા તળીયાની કિંમત પચાસ ટકા લેખે નકકી કરવામા આવી છે.
થલતેજ વોર્ડમાં ટી.પી.સ્કીમ નંબર-૩૭ના ફાઈનલ પ્લોટ -૧૭૪ એ
સ્કૂલ હેતુ માટે ૩૬૬૨ ચોરસમીટર ક્ષેત્રફળ ધરાવે છે. આ પ્લોટ વેચવા તંત્રે પ્રતિ
ચોરસ મીટર રુપિયા ૧.૩૯ લાખ રાખવામા આવી છે.ચાંદખેડા વોર્ડમાં ટી.પી.સ્કીમ
નંબર-૨૨ના ફાઈનલ પ્લોટ નંબર-૨૮૫ કે જેનુ ક્ષેત્રફળ ૨૨૦૪ ચોરસ મીટર છે.તેના વેચાણ
માટે પ્રતિ ચોરસમીટર રુપિયા ૮૫ હજાર તળીયાની કિંમત નકકી કરવામા આવી છે. હંસપુરા
ટી.પી.સ્કીમ નંબર-૧૦૯ના ફાઈનલ પ્લોટ નંબર-૧૧૭-૧ કે જેનુ ક્ષેત્રફળ ૪૪૨૭ ચોરસમીટર
છે તેના વેચાણ માટે પ્રતિ ચોરસમીટર ૩૫ હજાર તળીયાની કિંમત નકકી કરવામા આવી છે.જયારે નિકોલમાં
ટી.પી.સ્કીમ નંબર-૧૦૨ના ફાઈનલ પ્લોટ નંબર-૯૫ ,જેનુ ક્ષેત્રફળ ૨૦૮૩ ચોરસમીટર છે.તેના વેચાણ માટે પ્રતિ
ચોરસમીટર રુપિયા ૨૮ હજાર તળીયાની કિંમત નકકી કરવામા આવી છે.આ પ્લોટ વેચાણથી લેવા
ઈન્સ્ટીટયુટસ,સંસ્થા,ટ્રસ્ટ ,એજયુકેશન સોસાયટી, ધાર્મિક ટ્રસ્ટ
અને કંપનીઓ જ અરજી કરી શકશે એ પ્રકારે ટેન્ડરમા શરત મુકવામા આવી છે.
