Amreli News: અમરેલી જિલ્લાના ખાંભા પંથકમાં વનવિભાગે વન્યજીવોની સુરક્ષા માટે સરાહનીય કામગીરી કરી છે. તુલસીશ્યામ રેન્જના બોરાળા રાઉન્ડમાં આવેલા એક ખુલ્લા કૂવામાં અચાનક એક મગર ખાબકી ગયો હતો. કૂવાની અંદર મગર હોવાની જાણ થતા જ આસપાસ રહીશો દોડી ગયા હતા, ચિંતા દર્શાવી વન વિભાગને જાણ કરી હતી. જે બાદ ખાંભા વન વિભાગની ટીમે સમય સૂચકતા દાખવતાં તાત્કાલિક ઘટનાસ્થળે દોડી જઈ રેસ્ક્યુ ઓપરેશન હાથ ધર્યું હતું.
રેસ્ક્યુ દરમિયાન ઈજા ન પહોંચે તેનું રખાયું ધ્યાન
પાંજરા અને દોરડાની મદદથી મગરને ભારે જહેમત અને તકેદારી રાખી કૂવાની બહાર કાઢવામાં આવ્યો હતો. રેસ્ક્યુ ઓપરેશન દરમિયાન મગરને કોઈ પણ પ્રકારની ઈજા ન પહોંચે તેની પૂરેપૂરી તકેદારી રાખવામાં આવી હતી. વનવિભાગની આ કુશળતા જોઈને સ્થાનિકોએ પણ રાહતનો શ્વાસ લીધો હતો અને ટીમની કામગીરીને બિરદાવી હતી.
નજીકની નદીમાં છોડી મુકાયો
આ પણ વાંચો ટ્રેન્ડિંગ સમાચાર
સફળતાપૂર્વક બહાર કાઢ્યા બાદ, વનવિભાગ દ્વારા મગરનું પ્રાથમિક નિરીક્ષણ કરવામાં આવ્યું હતું. મગર સંપૂર્ણપણે સ્વસ્થ જણાતા તેને તેના કુદરતી વાતાવરણમાં છોડી મૂકવાનો નિર્ણય લેવામાં આવ્યો હતો, નજીકની નદીમાં તેને મુક્ત કરવામાં આવ્યો હતો,જેવું પાંજરું ખુલ્યું કે તરત જ મગરે પાણીમાં દોડ મૂકી હતી, જે જોઈને વન વિભાગની ટીમમાં હરખની હેલી દોડી ગઈ હતી.
આ પણ વાંચો: કરમની કઠણાઇ! રક્ષિત ચોરસિયા અકસ્માત કેસનું એક વર્ષ, નબીરો બહાર છૂટો ફરે છે અને પીડિતોને ચાલવામાં પણ તકલીફ
<a href=
<p>The post VIDEO: ખાંભાના બોરાળા ગામે કૂવામાં ખાબકેલા મગરનું વનવિભાગે કર્યું રેસ્ક્યુ, નજીકની નદીમાં છોડવામાં આ… first appeared on gandhinagarmetro.com.</p>
