આ પણ વાંચો ટ્રેન્ડિંગ સમાચાર
West Bengal Election Result 2026 : પશ્ચિમ બંગાળમાં 23 અને 29 એપ્રિલે મતદાન પૂર્ણ થયા બાદ સૌની નજર 4 મેના રોજ જાહેર થનારા પરિણામો પર છે. જોકે, પરિણામો પહેલા જ તૃણમૂલ કોંગ્રેસે (TMC) સ્ટ્રોંગ રૂમમાં બેલેટ બોક્સ સાથે છેડછાડ કરાઈ હોવાનો ગંભીર આરોપ લગાવ્યો છે. ટીએમસીએ એક CCTV ફૂટેજ જાહેર કરીને દાવો કર્યો છે કે, તેમની ગેરહાજરીમાં મતપેટીઓ સાથે છેડછાડનો પ્રયાસ થઈ રહ્યો છે.
મુખ્યમંત્રી મમતા બેનરજી એક્શન મોડમાં
આ ગંભીર આરોપો વચ્ચે મુખ્યમંત્રી મમતા બેનરજી પોતે ઈવીએમ સ્ટ્રોંગ રૂમ બહાર પહોંચી ગયા છે. આ એ જ સ્થળ છે. અહીં ભવાનીપુર સહિત દક્ષિણ કોલકાતાના બૂથોના ઈવીએમ અને મતપત્રો રાખવામાં આવ્યા છે. એવી શક્યતા છે કે, મમતા બેનરજી દુર્ગાપુરના સ્ટ્રોંગ રૂમની મુલાકાત લઈને ત્યાં વિરોધ પ્રદર્શનમાં સામેલ થઈ શકે છે.
ટીએમસી નેતાઓના ધરણા
કોલકાતાના નેતાજી ઈન્ડોર સ્ટેડિયમમાં ટીએમસી નેતાઓ ડૉ. શશી પાંજા અને કુણાલ ઘોષ ધરણા પર બેસી ગયા છે. ટીએમસીનો આરોપ છે કે, ભાજપ ચૂંટણી પંચ સાથે મળીને લોકશાહીની હત્યા કરી રહી છે. દુર્ગાપુર સરકારી કોલેજ પાસે આવેલા સ્ટ્રોંગ રૂમની બહાર પણ ટીએમસી કાર્યકર્તાઓ એકઠા થયા છે. મશીનોમાં કોઈ ગરબડ ન થાય તે માટે કાર્યકર્તાઓ સ્ટ્રોંગ રૂમથી 200 મીટર દૂર કેમ્પ બનાવીને દેખરેખ રાખી રહ્યા છે. ટીએમસીએ ચેતવણી આપી છે કે, બંગાળ કંઈ મહારાષ્ટ્ર કે બિહાર નથી કે તેઓ ચૂપચાપ પોતાની હાર સ્વીકારી લેશે.
આ પણ વાંચો : ‘એક્ઝિટ પોલ એક મોટું રેકેટ છે, CEC જ્ઞાનેશ કુમાર પક્ષપાતી’ ચૂંટણી પંચ પર કોંગ્રેસના પ્રહાર
આ પણ વાંચો : બંગાળમાં 77 બૂથ પર ફરી મતદાન? હિંસા મુદ્દે ભાજપની ફરિયાદ, ચૂંટણી પંચ ગુરુવારે લેશે નિર્ણય
