આ પણ વાંચો ટ્રેન્ડિંગ સમાચાર
રાજસ્થાનના સંચોરથી દારૃ – બિયરનો જથ્થો મંગાવ્યો હતો
લોકલ ક્રાઈમ બ્રાન્ચે દારૃ, બિયર, કાર, મોબાઈલ મળી રૃ.૧૩.૫૬ લાખનો મુદ્દામાલ કબજે લીધો
ભાવનગર- શહેરના તરસામીયા રોડ પર આવેલ શિવસાગાર સોસાયટીમાંથી વિદેશી દારૃ અને બિયરના ટીન નો જથ્થો ભરેલી કાર સાથે લોકલ ક્રાઈમ બ્રાન્ચે એક શખ્સની ધરપકડ કરી કાયદેસરની કાર્યવાહી હાથ ધરી છે.
ભાવનગર એલસીબીનો સ્ટાફ ભાવનગર શહેર વિસ્તારમાં પેટ્રોલીંગમાં હતાં.તે દરમિયાન બાતમી મળેલ કે,નિલેશ ઉર્ફે ભુરો બારોટ (રહે.શિવ સાગર સોસાયટી,તરસમીયા રોડ,ભાવનગર) ના ઘરે સાંચોરથી કાળા કલરની સ્કોર્પીયો કાર નંબર જીજે-૨૦-એજે ૭૦૮૭ માં ભારતીય બનાવટનો વિદેશી દારુ ભરીને લાવેલ છે. અને સાંચોરથી દારુ લાવવાવાળો અને નિલેશ બંને ત્યાં હાજર છે. જે બાતમી આધારે લોકલ ક્રાઈમ બ્રાન્ચના સ્ટાફ દરોડો પાડી કારની તલાશી લેવા માટે કારને ખોલવા જતા બંસી ઉર્ફે સુરેશ બિશ્નોઇ (રહે.સાંચોર,રાજસ્થાન ) કારની ચાવી લઈને નાસી છૂટયો હતો.દરમિયાનમાં પોલીસે કારનો લોક ખોલવા માટે લોક ખોલવા વાળાને બોલાવી લોક ખોલાવી કારની અંદર તલાશી લેતા કારની પાછળની સીટ ઉપરથી વિદેશી દારૃની નાની મોટી બોટલ ૨૧૭૨ રૃ. ૩,૦૦ ,૪૨૩ અને બિયરના ટીન ૪૦૮ રૃ.૫૨,૩૩૯ ની મળી આવતા પોલીસે નિલેશ ઉર્ફે ભુરો કિશોરભાઇ બારોટને વિદેશી દારૃ, કાર, બિયર , મોબાઈલ મળી રૃ.૧૩,૫૬,૭૬૨ ના મુદામાલ સાથે ધરપકડ કરી પૂછપરછ કરતા બંસી ઉર્ફે સુરેશ બિશ્નોઇ (રહે. સાંચોર, રાજસ્થાન) દારૃ બિયરનો જથ્થો આપી ગયો હોવાની કબૂલાત કરતા લોકલ ક્રાઈમ બ્રાન્ચે બન્ને શખ્સ વિરૃધ્ધ ભરતનગર પોલીસ મથકમાં ગુનો નોંધી વધુ તપાસ હાથ ધરી છે.
