Jamnagar : જામનગર શહેરમાં પ્રોહિબિશનના ગુનાઓ સામે ચાલી રહેલી ઝુંબેશ અંતર્ગત સીટી બી-ડિવિઝન પોલીસ સ્ટેશનના સર્વેલન્સ સ્કોડે મોટી કાર્યવાહી હાથ ધરી મારુતિ સુઝુકી રિટ્ઝ કારમાંથી ભારતીય બનાવટનો વિદેશી દારૂનો જથ્થો ઝડપી પાડ્યો છે. પોલીસે કુલ રૂ.3,62,900નો મુદ્દામાલ કબજે કરી બે શખ્સો સામે ગુનો નોંધ્યો છે.
જામનગર જિલ્લા પોલીસ અધિક્ષક ડો.રવિ મોહન સૈની તથા નાયબ પોલીસ અધિક્ષક જે.એન.ઝાલાના માર્ગદર્શન હેઠળ જિલ્લામાં દારૂ અને જુગારની બદીને નેસ્તનાબૂદ કરવા વિશેષ અભિયાન ચલાવવામાં આવી રહ્યું છે. જેના ભાગરૂપે સીટી બી-ડિવિઝન પોલીસ સ્ટેશનના પોલીસ ઇન્સ્પેક્ટરના માર્ગદર્શન હેઠળ સર્વેલન્સ સ્કોડના પોલીસ સબ ઇન્સ્પેક્ટર અને સ્ટાફ પેટ્રોલિંગમાં હતા.દરમિયાન મળેલી બાતમીના આધારે રાજપાર્કના ઢાળિયા પાસે દરોડો પાડવામાં આવ્યો હતો.
દરોડા દરમિયાન ભાવેશસિંહ ગટુભા જાડેજા અને હનીફ યુસુફભાઈ સફીયાના કબજાની મારુતિ સુઝુકી રિટ્ઝ કાર નં. જીજે-04-બીઈ-0831માંથી ભારતીય બનાવટનો વિદેશી દારૂ વેચાણ અર્થે રાખેલો મળી આવ્યો હતો. પોલીસે કારમાંથી ઇંગ્લિશ દારૂની 43 બોટલ કિંમત રૂ. 55,900, બે મોબાઇલ ફોન કિંમત રૂ.7,000 તથા કાર કિંમત રૂ.3,00,000 મળી કુલ રૂ.3,62,900નો મુદ્દામાલ કબજે કર્યો હતો. આ મામલે પોલીસ કોન્સ્ટેબલની ફરિયાદના આધારે પોલીસ હેડ કોન્સ્ટેબલે પ્રોહિબિશન ધારા હેઠળ ગુનો નોંધી કાયદેસરની કાર્યવાહી હાથ ધરી છે. તપાસ દરમિયાન ઝડપાયેલા દારૂનો જથ્થો અલ્તાફ શેખ ઉર્ફે બંટી, (રહે. તાર મામદ સોસાયટી, જામનગર )દ્વારા આપવામાં આવ્યો હોવાનું ખુલ્યું છે. હાલ તેને ઝડપી પાડવા માટે પોલીસ દ્વારા વધુ તપાસ અને શોધખોળ હાથ ધરવામાં આવી રહી છે.
<a href=
આ પણ વાંચો ટ્રેન્ડિંગ સમાચાર
<p>The post જામનગરમાં કારમાંથી રૂ.3.62 લાખનો વિદેશી દારૂનો જથ્થો ઝડપાયો | Foreign liquor worth Rs 3 62 lakh seiz… first appeared on gandhinagarmetro.com.</p>
