આ પણ વાંચો ટ્રેન્ડિંગ સમાચાર
વૈશ્વિક સોનું ગબડી ૪૯૦૦ ડોલર અને ચાંદી ૮૬ ડોલરની અંદર ઉતરી ગઇ
મુંબઇ : વિશ્વ બજાર ગબડતા ઘરઆંગણે ઇમ્પોર્ટ કોસ્ટ ઝડપથી નીચે ઉતરતાં દેશના સોના ચાંદી બજારોમાં તેમજ વાયદા બજારમાં આજે મંદી તીવ્ર વેગથી આગળ વધી હતી. અમદાવાદ ઝવેરી બજારમાં આજે ચાંદીના ભાવો કિલોના વધુ રૂા.૬૫ હજાર ગબડી, ૩ લાખની અંદર ભાવ ઉતરી રૂા.૨૮૫૦૦૦ બોલાઇ જતા ખેલાડીઓ સ્તબ્ધ થઇ ગયા હતા.વાયદા બજારમાં સોનાના ફેબુ્રઆરી વાયદાના ભાવ ઉંચામાં ૧૮૦૮૦૦ થયા હતા. તે તૂટી રૂા.૧૪૯૦૭૫ છેલ્લે રહ્યા હતા. જ્યારે ચાંદી માર્ચ વાયદાના ભાવ જે ઉચામાં રૂા.૪ લાખ ૨૦ હજાર ઉપર ગયા હતા તે તૂટી છેલ્લે ૨૯૧૦૦૦ ના મથાળે ઉતરી ગયા હતા.
અમદાવાદ ચાંદીના ભાવ બે દિવસમાં રૂા.૯૫ હજાર તૂટયા હતા. તથા ગુરૂવારે ચાંદીના ભાવ રૂા.૩૮૦૦૦૦ હતા તે શનિવારે રૂા.૨૮૫૦૦૦ના મથાળે ઉતરી ગયા હતા. અમદાવાદ સોનાના ભાવ ૧૦ ગ્રામના આજે વધુ ૧૦ હજાર તૂટતાં ભાવ ગબડી ૯૯૫ના રૂા.૧૬૯૭૦૦ તથા ૯૯૯ના ભાવ ૧૭૦૦૦૦ બોલાતા થયા હતા. બે દિવસમાં ભાવ રૂા.૧૪૦૦૦ તૂટયા હતા. સોનાનાભાવ ગુરૂવારે રૂા.૧૮૪૦૦૦ ની ટોચે પહોંચ્યા હતા.
દરમ્યાન, ચાંદી વાયદો ટોચ પરથી ૧૨૯૦૦૦ હજાર તૂટયો હતો જ્યારે સોનાનો વાયદો ટોચ પરથી રૂા.૩૧૮૦૦ જેટલો ગબડયો હતો. વિશ્વ બજારમાં સોનાના ભાવ ઔંસના ૫૧૦૭ થી ૫૧૦૮ ડોલર વાળા વધુ ગબડી છેલ્લે સપ્તાહના અંતે ૪૯૦૦ની અંદર ઉતરી ૪૮૯૪થી ૪૮૯૫ ડોલર રહ્યા હતા.
વૈશ્વક ચાંદીના ભાવ ઔંસના ૧૦૧.૮૮ થી ૧૦૧.૮૯ ડોલર વાળા વધુ તૂટી નીચામાં ૮૬ ડોલરની અંદર ઉતરી છેલ્લૈ ભાવ સપ્તાહના અંતે ૮૫.૧૯ થી ૮૫.૨૦ ડોલર બોલાતા થયા હતા. વિશ્વ બાજારમાં ડોલર ઇન્ડેક્ષ ઉચકાતા વૈશ્વક સોનામાં ફંડોની વ્યાપક વેચવાની વધતા તેની પાછળ ચાંદી, પ્લેટીનમ તથી પેડેલીયમ ઉપરાંત કોપરના ભાવ પણ તૂટતા જોવા મળ્યા હતા. ડોલરનો ગ્લોબલ ઇન્ડેક્ષ ૯૬.૪૮ થી વધી ૯૭ પાર કરી ૯૭.૧૫ રહ્યાના નિર્દેશો હતા.
આજે દિલ્હી સોના ચાંદી બજારમાં ચાંદી ૧૯ ટકા તૂટીને રૂ.૩.૧૨ લાખ ઉતરી આવી હતી. જ્યોરે સોનું ૨ ટકા તૂટીને રૂ.૧.૬૫ લાખની સપાટીએ નરમ રહ્યું હતું
આજે શનિવારના કારણે બુલીયન બજાર સત્તાવાર બંધ હતી. મુંબઇમાં આજે સોનાના ભાવ તૂટી જીએસ વગર ૯૯૫ના રૂા.૧૫૬૦૦૦ તથા ૯૯૯ના રૂા.૧૫૬૫૫૦ બોલાયા હતા. જ્યારે મુંબઇ ચાંદીના ભાવ જીએસથી વગર ગબડી રૂા.૨૯૫૦૦૦ રહ્યા હતા. મુંબઇ સોના-ચાંદીમાં જીએસટી સાથેના ભાવ આ ભાવથી ત્રણ ટકા ઉંચા રહ્યા હતા.
દરમ્યાન, દેશમાં આયાત થતા સોના-ચાંદીની ઇમ્પોર્ટ ડયૂટી ગણવા બેન્ચમાર્ક તરીકે વપરાતી ટેરીફ વેલ્યુ સરકારે જાહેર કરી છે. ૧૫ દિવસમાં આવી ટેરીફ વેલ્યું સોનામાં ૧૦ ગ્રામ દીઠ ડોલરના સંદર્ભમાં ૧૪૮૩ થી વધી ૧૭૪૦ ડોલર તથા ચાંદીમાં કિલોના ડોલરના સંદર્ભમાં ૨૯૫૦ વાળી ૩૮૩૦ ડોલર નક્કી કરતા ઇફેક્ટીવ ઇમ્પોર્ટ ડયુટી બજેટ અગાઉ ઉંચી ગઇ હોવાનું બજારના જાણકારોે જણાવી રહ્યા હતા.
વિશ્વ બજારમાં પ્લેટીનમના ભાવ ઔંસના ૨૩૪૭ થી તૂટી ૨૧૯૫ ડોલર તથા પેલેડીયમના ભાવ ૧૮૪૫ થી તૂટી ૧૭૧૨ ડોલર બોલાઇ ગયા હતા. વૈશ્વિક કોપરના ભાવ છેલ્લે સાડા ચાર ટકા માઇનસમાં રહ્યા હતા. ભારતમાં કેન્દ્રના નાણાં પ્રધાન દ્વારા રવિવારે (આજે) રજૂ થનારા બજેટમાં ઇમ્પોર્ટ ડયૂટીમાં કોઇ ફેરફાર કરવામાં આવે છે કે નહીં તેના પર બજારની નજર રહી હતી.
