આ પણ વાંચો ટ્રેન્ડિંગ સમાચાર
Ahmedabad Hit and Run: અમદાવાદના નરોડામાં આવેલા હંસપુરા ખાતે ગત બુધવારે(22 એપ્રિલ, 2026) મોડી રાત્રે એક ગમખ્વાર અકસ્માતની ઘટના બની હતી. હંસપુરામાં આવેલા એક બિઝનેસ હબ નામના કોમ્પ્લેક્સની સામે સ્કૂલની જગ્યા પાસે બનેલી આ હિટ એન્ડ રનની ઘટના સર્જાઈ હતી. જેમાં ફૂલસ્પીડે બેદરકારીથી આવતી કારચાલકે ફૂટપાથ પર ફ્રૂટની લારી પાસે સૂતેલા એક મહિલાને અડફેટે લીધા હતા, જેના કારણે મહિલાનું કરુણ મોત થયું છે. મહત્ત્વનું છે કે, આ ઘટનાને પગલે આસપાસના લોકો ત્યાં દોડી આવ્યા હતા. આ દરમિયાન કારચાલક ત્યાંથી ભાગી ગયો હતો. પોલીસે આ ઘટના અંગે ગુનો નોંધી વધુ તપાસ હાથ ધરી છે.
હિટ એન્ડ રનની ઘટનામાં મહિલાનું મોત
આ ઘટનામાં 44 વર્ષીય પિંકીબેન બળદેવભાઈ પટની અકસ્માતનો ભોગ બન્યા છે. પિંકીબેન પર કાર ફરી વળતાં તેમને માથાના ભાગે, ચહેરા પર તેમજ છાતી અને પેટના ગંભીર ઈજાઓ પહોંચી હતી. અકસ્માત બાદ ગંભીર રીતે ઈજાગ્રસ્ત થયેલા પિંકીબેનને તાત્કાલિક સારવાર અર્થે સિવિલ હોસ્પિટલ ખાતે ખસેડવામાં આવ્યા હતા, પરંતુ ત્યાં હાજર ફરજ પરના ડૉક્ટરે તેમને મૃત જાહેર કર્યા હતા.
આ પણ વાંચો: VIDEO | અમદાવાદ: ઘરમાં જ બનતું હતું નકલી ઘી! 400 કિલો જથ્થો જપ્ત કરી AMCએ કૌભાંડનો કર્યો પર્દાફાશ
પ્રાપ્ત વિગતો મુજબ, રાત્રે એક ફોરવીલ કાર જીઈબી તરફથી પૂરઝડપે આવી હતી. મૃતક પિંકીબેન ફ્રૂટનો ધંધો કરતા હતા અને રાત્રિના સમયે તેઓ ફૂટપાથ પર હતા, ત્યારે આ બેકાબૂ કારચાલકે મહિલા પર ગાડી ચડાવી દીધી હતી.
અકસ્માત સર્જ્યા બાદ કારચાલક ઘટનાસ્થળેથી ફરાર થઈ ગયો છે. સમગ્ર મામલે પોલીસ દ્વારા ગાડીના નંબર પ્લેટના આધારે કારચાલકને ઝડપી પાડવા વધુ તપાસ હાથ ધરી છે.
