આ પણ વાંચો ટ્રેન્ડિંગ સમાચાર
મુંબઈ : મુંબઈ ઝવેરી બજારમાં આજે સોના-ચાંદી તથા પ્લેટીનમના ભાવ વધતા અટકી ફરી તૂટયા હતા જ્યારે વિશ્વ બજારમાં ક્રૂડતેલના ભાવ ફરી ઉછળી બેરલના ૧૧૪ ડોલર ઉપર ગયાના સમાચાર મળ્યા હતા. ડોલરનો વૈશ્વિક ઈન્ડેક્સ ઉંચકાતાં વિશ્વ બજારમાં આજે સોનામાં ઉછાળે ફંડોનું સેલીંગ વધતાં વૈશ્વિક સોનાના ભાવ ઘટી ઔંસના ૪૬૦૦ ડોલરની અંદર જતા રહ્યા હતા. દરમિયાન, વિશ્વ બજાર પાછળ ઘર આંગણે આજે અમદાવાદ ઝવેરી બજારમાં સોનાના ભાવ ૧૦ ગ્રામના રૂ.૧૫૦૦ તથા ચાંદીના ભાવ કિલોના રૂ.૩૦૦૦ તૂટયા હતા. દરમંયાન, ઊરાન તથા અમેરિકા વચ્ચે ઘર્ષણ વધવાની ભીતિ ફરી સર્જાતાં વિશ્વ બજારમાં આજે બ્રેન્ટ ક્રૂડ તેલના ભાવ ૧૦૮.૧૭ ડોલરથી વધી ઉંચામાં ભાવ ૧૧૪.૩૦ થઈ ૧૧૦.૮૨ ડોલર રહ્યા હતા.
યુએસ ક્રૂડના ભાવ જે ૧૦૦ ડોલરની અંદર જતાં રહ્યા હતા તે હવે વધી ૧૦૭.૪૬ થઈ ૧૦૩.૩૯ ડોલર રહ્યા હતા.સ્ટ્રેઈટ ઓફ હોર્મુઝ ખાતે તંગદિલી વધ્યાના નિર્દેશો હતા. કુવેતથી નિકાસ લગભગ બંધ થઈ ગયાના વાવડ પણ મળ્યા હતા. દરમંયાન, વિશ્વ બજારમાં આજે સોનાના ભાવ ૪૬૧૪થી ૪૬૧૫ વાળા ઘટી નીચામાં ભાવ ૪૫૨૬ થઈ ૪૫૬૯થી ૪૫૭૦ ડોલર રહ્યા હતા.
અમદાવાદ બજારમાં સોનાના ભાવ ઘટી ૯૯૫ના રૂ.૧૫૨૨૦૦ તથા ૯૯૯ના રૂ.૧૫૨૫૦૦ રહ્યા હતા જ્યારે અમદાવાદ ચાંદીના ભાવ ઘટી રૂ.૨૪૨૦૦૦ રહ્યા હતા. મુંબઈ બુલિયન બજારમાં આજે સોનાના ભાવ રૂ.૧૫૦૦ તથા ચાંદીના ભાવ રૂ.૭૦૦૦ ગબડયા હતા. વિશ્વ બજારમાં સોના પાછળ આજે ચાંદીના ભાવ ઔંસના ૭૫.૩૭ વાળા નીચામાં ભાવ ૭૨.૨૧ થઈ ૭૩.૯૪થી ૭૩.૯૫ ડોલર રહ્યા હતકા. પ્લેટીનમના ભાવ ૧૯૯૧ વાળા ૧૯૩૧ થઈ ૧૯૭૪૫થી ૧૯૭૫ ડોલ ર રહ્યા હતા. પેલેડીયમના ભાવ ૧૫૨૮ વાળા નીચામાં ભાવ ૧૪૬૬ થઈ ૧૪૯૨થી ૧૪૯૩ ડોલર રહ્યા હતા.
દરમિયાન, મુંબઈ બુલિયન બજારમાં આજે સોનાના ભાવ ઘટી જીએસટી વગર ૯૯૫ના રૂ.૧૪૭૫૦૭ તથા ૯૯૯ના રૂ.૧૪૮૧૦૦ રહ્યા હતા મુંબઈ ચાંદીના ભાવ ઘટી જીએસટી વગર રૂ.૨૪૦૧૨૦ રહ્યા હતા. દરમિયાન, મુંબઈ બજારમાં પ્લેટીનમના ભાવ ઘટી ૧૦ ગ્રામદીઠ રૂ.૬૩૨૦૫ રહ્યા હતા. વિશ્વ બજારમાં આજે કોપરના ભાવ ૦.૮૦ ટકા માઈનસમાં રહ્યા હતા.
