TRAI Mandates Voice And SMS-Only Plans : ભારતીય ટેલિકોમ રેગ્યુલેટરી ઓથોરિટી (TRAI)એ ટેલિકોમ કંપનીઓ માટે એક મહત્વની સમયમર્યાદા નક્કી કરી છે. તે મુજબ 28 એપ્રિલ સુધીમાં તમામ ઓપરેટરોએ તેમના ટેક્સ સિસ્ટમમાં ફેરફાર કરીને દરેક વેલિડિટી માટે ‘વોઈસ અને SMS-ઓન્લી’ પ્લાન ફરજીયાત ઉપલબ્ધ કરાવવા પડશે. આ પ્લાન્સને વેબસાઈટ, મોબાઈલ એપ અને રિટેલ આઉટલેટ્સ પર સ્પષ્ટપણે દર્શાવવા પણ ફરજિયાત રહેશે. એટલે કે, ગ્રાહકો માટે ડેટા, વોઈસ અને SMSના જેટલા પણ પ્લાન ઉપલબ્ધ છે, તેટલા જ પ્લાન ‘માત્ર વોઈસ કોલ’ માટે પણ રાખવા પડશે.
શું પ્લાન સસ્તા થશે?
TRAIના ડ્રાફ્ટ નોટિફિકેશન મુજબ, અત્યારે જેટલા પણ ડેટા+વોઈસ+SMS વાળા પ્લાન આપવામાં આવી રહ્યા છે, તેટલી જ વેલિડિટીવાળા અલગથી ‘વોઈસ ઓન્લી પ્લાન’ આપવા પડશે. ‘વોઈસ ઓન્લી પ્લાન’ કિંમત વર્તમાન ડેટાવાળા પ્લાનમાંથી ડેટા વપરાશને બાદ કરીને ઓછી રાખવી પડશે. આ નિર્ણય એટલા માટે લેવામાં આવ્યો છે, કારણ કે દેશમાં મોટી સંખ્યામાં એવા ગ્રાહકો છે (ખાસ કરીને વડીલો, ગ્રામીણ અને ઓછી આવક ધરાવતો વર્ગ) જેમને ડેટાની જરૂર હોતી નથી, છતાં તેમને મજબૂરીમાં ડેટા સાથેના મોંઘા પ્લાન લેવા પડે છે.
આ પણ વાંચો : AAPના 50 ધારાસભ્યો પણ પાર્ટી છોડશે ! 7 સાંસદે આમ આદમી પાર્ટી છોડ્યા બાદ કોંગ્રેસનો દાવો
શું ડેટા પ્લાન મોંઘા થશે?
આ નિર્ણય બાદ એવી ચર્ચાઓ શરૂ થઈ ગઈ છે કે, એકતરફ માત્ર વોઈસ કોલ અને SMS વાપરનારા ગ્રાહકોને મોટી રાહત મળી શકે છે, તો બીજી તરફ એવી આશંકા પણ સેવાઈ રહી છે કે, આવનારા સમયમાં ડેટા પ્લાન મોંઘા થઈ શકે છે.
આ પણ વાંચો : પંજાબમાં AAPનું ગણિત બગડ્યું! રાઘવ ચઢ્ઢા સહિત અન્ય સાંસદોના પક્ષપલટા પાછળના પાંચ મોટા કારણો
…તો ટેલિકોન કંપનીઓને થશે નુકસાન
વર્તમાનમાં તમામ ટેલિકોમ કંપનીઓ દરેક પ્લાનમાં ફરજીયાત ડેટા આપે છે, તેથી જ જેને જરૂર નથી, તેઓ પણ ડેટા પ્લાન લેવા મજબૂર થાય છે. હવે કંપનીઓ માટે ચિંતાની વાત એ છે કે, જો ડેટા+વોઈસ+SMS વાળા પ્લાનમાંથી ડેટા સાથે ડેટાનો ખર્ચ કાઢી નાખવામાં આવે તો તેમને નુકસાન થઈ શકે છે. કારણ કે દેશમાં અનેક મોબાઈલ યુઝર્સ એવા પણ છે, તેમને ડેટાની જરૂર નથી. તેથી જ કંપનીઓ પોતાના આ નુકસાનની ભરપાઈ કરવા માટે ડેટાવાળા પ્લાનમાં વધારો કરી શકે છે, જેના કારણે મોટાભાગના ડેટા યુઝર્સ માટે પ્લાન મોંઘો થઈ શકે છે, તો સસ્તો પ્લાન અમુક લોકો માટે રાહત બની શકે છે.
આ પણ વાંચો : ઈઝરાયલનું ભારતમાં ખાસ ઓપરેશન, 5000 લોકોને તેલ અવીવ કેમ લઈ જઈ રહ્યા છે?
<a href="
આ પણ વાંચો ટ્રેન્ડિંગ સમાચાર
<p>The post …તો ‘ડેટા પ્લાન’ મોંઘો થશે, ‘ઑન્લી વોઈસ-SMS પ્લાન’ સસ્તો થશે ! જાણો સરકારે ટેલીકૉમ કંપનીઓને શું કર… first appeared on gandhinagarmetro.com.</p>
