વડોદરાઃ ધો.૧૨ પછી સરકારી યુનિવર્સિટીઓના વિવિધ અભ્યાસક્રમોમાં પ્રવેશ માટે જીકાસ પોર્ટલ પર ફોર્મ ભરવાનો આજે છેલ્લો દિવસ હતો.મળતી જાણકારી પ્રમાણે એમ.એસ.યુનિવર્સિટીની વિવિધ ફેકલ્ટીઓમાં પ્રવેશ માટે ૩૨૩૦૦ જેટલા વિદ્યાર્થીઓએ ફોર્મ ભર્યા છે.
જેમાં સૌથી વધારે ૧૦૦૧૨ ફોર્મ એફવાયબીકોમમાં પ્રવેશ માટે ભરાયા છે.એ પછી સૌથી વધારે ધસારો સાયન્સ ફેકલ્ટીમાં એફવાયબીએસસીમાં પ્રવેશ માટે જોવા મળ્યો છે.આ કોર્સ માટે ૪૬૭૯ વિદ્યાર્થીઓએ ફોર્મ ભર્યા છે.
હવે જે વિદ્યાર્થીઓ પ્રવેશ માટે પાત્ર ઠરશે તેમને પ્રવેશ આપવા માટેની પ્રક્રિયા તા.૨ થી ૬ દરમિયાન હાથ ધરાશે.જ્યારે પ્રવેશ માટેનો બીજો રાઉન્ડ તા.૧૦ થી તા. ૧૩ અને જરુર પડે તો ત્રીજો રાઉન્ડ તા.૧૭ થી ૨૦ અને ચોથો રાઉન્ડ તા.૨૪ થી ૨૯ જૂન દરમિયાન હાથ ધરાશે.
કેટલાક અભ્યાસક્રમોમાં પ્રવેશ માટે યુનિવર્સિટી દ્વારા પ્રવેશ પરીક્ષા લેવામાં આવી છે.આ પરીક્ષા માટેની પ્રવેશ પ્રક્રિયા પણ ઉપરોક્ત તારીખો દરમિયાન હાથ ધરાશે.
કઈ ફેકલ્ટીમાં કેટલા ફોર્મ ભરાયા
ફેકલ્ટી ફોર્મ
સાયન્સ ૬૭૦૫
આર્ટસ ૨૮૦૩
લો ૯૬૩
સાયકોલોજી ૬૬૪
એજ્યુકેશન ૫૩૯
બીબીએ ૩૧૧૦
બીસીએ ૧૬૩૦
કોમર્સ ૧૦૦૧૨
ફાઈન આર્ટસ ૪૩૦
જર્નાલિઝમ ૨૪૯
હોમસાયન્સ ૧૯૬૧
સોશ્યલ વર્ક ૧૦૩
સંસ્કૃત મહાવિદ્યાલય ૩૫
બીકોમ બિઝનેસ ઓપરેશન ૩૬૨૭
