આ પણ વાંચો ટ્રેન્ડિંગ સમાચાર
Lioness and Dog in Well: શિકારી શિકાર કરવા મથતો હોય અને શિકાર જીવ બચાવવા ઝઝૂમતો હોય પછી એક તબક્કે કલાકો સુધી બંને સાથે જ હોવા છતાં હુમલો સુદ્ધાં ન થાય અને છેવટે બંને પોતપોતાનો જીવ બચી ગયાનો સંતોષ જ પામે તો?! રાજુલા તાલુકાના ખાંભલીયા ગામ નજીક આવા જ અચરજભર્યાં દ્રશ્યો સર્જાયાં હતાં.
સિંહણ શિકારની શોધમાં હતી અને…
ખાંભલીયા પાસે ખેતર વિસ્તારમાં એક સિંહણ શિકારની શોધમાં હતી. આ દરમિયાન તેની નજર એક શ્વાન પર પડતાં સિંહણ તેનો પીછો કરવા લાગી હતી. શ્વાન પોતાનો જીવ બચાવવા માટે દોડતો-દોડતો અચાનક ખેતરમાં આવેલા ખુલ્લા અને પાણી વગરના 50 ફૂટ ઊંડા કૂવામાં પડી ગયો હતો.
અંધારામાં સિંહણ પણ કૂવામાં ખાબકી
શ્વાનની પાછળ દોડતી સિંહણ પણ અંધારામાં પરિસ્થિતિનો અંદાજ ન આવતા કૂવામાં ખાબકી હતી. કૂવામાં પડ્યા બાદ લગભગ પાંચ કલાક સુધી સિંહણ અને શ્વાન એકસાથે રહ્યા હતા.
આ પણ વાંચો: અમદાવાદ પ્લેન ક્રેશ સાઇટ પર અનોખી શ્રદ્ધાંજલિ: 12,000 અબોલ જીવોને એક વર્ષ સુધી જમાડ્યા!
મુશ્કેલીના સમયે કુદરતી દુશ્મની ભુલાઈ
સામાન્ય રીતે શિકાર સામે હોય ત્યારે સિંહણ તેના પર હુમલો કરતી હોય છે, પરંતુ આ કિસ્સામાં સિંહણ પોતાનો જીવ બચાવવાની મથામણમાં એટલી વ્યસ્ત હતી કે તેણે બાજુમાં રહેલા શ્વાન તરફ આંખ ઉઠાવીને પણ જોયું ન હતું. આમ, શિકાર અને શિકારી એક જ કૂવામાં હોવા છતાં બંને વચ્ચે કોઈ સંઘર્ષ થયો ન હતો.
