આ પણ વાંચો ટ્રેન્ડિંગ સમાચાર
ઈરાને પહેલી જ વાર 4000 કી.મી. દૂર રહેલાં ડીયાગો-ગાર્શિયા ટાપુ સ્થિત અમેરિકી સેના મથક પર મિસાઇલ છોડયું છે
નવી દિલ્હી: અમેરિકા-ઇઝરાયલ વિરૂદ્ધ ઈરાનનાં યુદ્ધનો અંત ક્ષિતિજ ઉપર પણ દેખાતો નથી તેવામાં ઈરાને ૪૦૦૦ કી.મી. દૂર રહેલા ટાપુ ડીયાગો-ગાર્શિયા સ્થિત અમેરિકી સેના મથક ઉપર મિસાઇલ છોડતાં અમેરિકાની ઊંઘ ઊંડી ગઈ છે. સાથે પ્રશ્ન ઉપસ્થિત થાય છે કે ઈરાન પાસે તેણે જાહેર કરેલી ક્ષમતા કરતાં ઘણી વધુ રેન્જવાળા આઈઆરબીએમ મિસાઇલ્સ છે.
આ ઈન્ટરમીડીડીયેટ રેન્જ બેલાસ્ટિક મિસાઈલ્સ (આઈઆરબીએમ) અમેરિકા અને બ્રિટનનાં સંયુક્ત સૈન્ય મથક ઉપર પડી તો ન શક્યું અને ધાર્યું નિશાન પણ પાડી નથી શક્યું તે એક અલગ વાત છે, પરંતુ આ પ્રક્ષેપણથી તે સ્પષ્ટ થઈ ગયું છે કે ઈરાન પોતાની તાકાત દૂર દૂર સુધી દેખાડવાની કોશિશ કરી રહ્યું છે.
આ અંગે અમેરિકા જણાવે છે કે પહેલું મિસાઇલ હવામાં જ ખરાબ થઈ ગયું હતું. જ્યારે બીજા મિસાઇલ ઉપર અમેરિકાનાં યુદ્ધ જહાજે ઈન્ટર સેપ્ટર વહેતા મુકી તેને હવામાં જ ખતમ કરી નાખ્યું. યુદ્ધ નૌકામાંથી એચ.એમ.૩ ઈન્ટર સેપ્ટર છોડવામાં આવ્યું હતું.
ડીયાગો ગાર્શિયા દ્વિપ સમુદ્ર ઈરાનથી આશરે ૪૦૦૦ કી.મી. દૂર છે ત્યાં સુધી ઈરાનનું મિસાઇલ પહોંચતાં હડકંપ મચી ગઈ છે.
આલ્પા-રીચર્સ-સેન્ટર (ઈઝરાયલ) માને છે કે ઈરાન પાસે ૩૦૦૦ કી.મી. સુધીની રેન્જવાળાં ખૈબર અને ખુર્રમશહર-૪ પ્રકારના મિસાઇલ્સ તો છે જ પરંતુ આવા ૪૦૦૦ કી.મી. સુધી જઈ શકે તેવાં મિસાઇલ્સની વાત તેણે છુપાવી રાખી હશે.
તે જે હોય તે પરંતુ અત્યારે અમેરિકાની ઉંઘ ઊંડી ગઈ છે.
