આ પણ વાંચો ટ્રેન્ડિંગ સમાચાર
મુંબઈ : મુંબઇ ઝવેરી બજારમાં આજે સોના- ચાંદીના ભાવ બે તરફી વધઘટ વચ્ચે ફરતા રહ્યા હતા. દિવસના અંતે સોનાના ભાવ પ્લસમાં તથા ચાંદી અને પ્લેટીનમના ભાવ માઇનસમાં રહ્યા હતા. દરમિયાન, વિશ્વ બજારમાં સોનાના ભાવ ઔંસના ૪૮૦૪થી ૪૮૦૫ ડોલરવાળા ઉંચામાં ભાવ ૪૮૩૩ તથા નીચામાં ભાવ ૪૭૭૩ થઇ ૪૭૯૩થી ૪૭૯૪ ડોલર રહ્યા હતા.
મુંબઇ બુલીયન બજારમાં સોનાના ભાવ ૧૦ ગ્રામના જીએસટી વગર ૯૫૫ના રૂા. ૧૫૧૪૮૭ વાળા રૂા. ૧૫૧૭૪૫ રહ્યા હતા જ્યારે ૯૯૯ના ભાવ રૂા. ૧૫૨૦૫૬ વાળા રૂા. ૧૫૨૩૫૫ રહ્યા હતા. મુંબઇ ચાંદીના ભાવ કિલોના જીએસટી વગર રૂા. ૨૫૦૬૭૫ વાળા રૂા. ૨૫૦૦૬૩ ખુલ્યા પછી રૂા. ૨૫૦૫૧૩ બંધ હતા.
દરમિયાન, અમદાવાદ બજારમાં સોનાના ભાવ ૯૯૫ના રૂા. ૧૫૬૭૦૦ તથા ૯૯૯ના રૂા. ૧૫૭૦૦૦ રહ્યા હતા. જ્યારે અમદાવાદ ચાંદીના ભાવ રૂા. ૨૫૦૦૦૦ રહ્યા હતા. વિશ્વ બજારમાં ચાંદીના ભાવ ઔંસના ૭૯.૫૦ વાળા ઉંચામાં ભાવ ૮૦.૨૧ તથા નીચામાં ભાવ ૭૮.૫૦ થઇ ૭૯.૧૫થી ૭૯.૧૬ ડોલર રહ્યા હતા. ડોલર ઇન્ડેક્સ વધતાં વૈશ્વિક સોનામાં ઉછાળે ફંડોનું સેલીંગ જોવા મળ્યું હતું.
વિશ્વ બજારમાં ક્રૂડ તેલના ભાવમાં પણ ઉછળકૂદ જોવા મળી હતી. બ્રેન્ટ ક્રૂડના ભાવ બેરલના નીચામાં ૯૩.૮૬ તથા ઉંચામાં ૯૫.૬૮ થઇ ૯૫.૩૦ ડોલર રહ્યા હતા. યુએસ ક્રૂડના ભાવ નીચામાં ૮૭.૭૬ તથા ઉંચામાં ૮૯.૩૨ થઇ ૮૯.૩૨ ડોલર રહ્યા હતા. ભારતમાં માર્ચમાં રશિયાના ક્રૂડ તેલની ઇમ્પોર્ટ વધવાં છતાં એકંદરે ક્રૂડની કુલ આયાતમાં ૧૩ ટકાનો ઘટાડો થયાના વાવડ હતા.
દરમિયાન, વિશ્વ બજારમાં પ્લેટીનમના ભાવ ઔંસના ૨૦૮૭ ડોલર રહ્યા હતા. મુંબઇ બુલીયન બજારમાં પ્લેટીનમના ભાવ ૧૦ ગ્રામના રૂા. ૧૭૦૦ ઘટી રૂા. ૬૫૬૬૦ રહ્યા હતા. પેલીડીયમના ભાવ ૧૫૬૮ ડોલર રહ્યા હતા. વૈશ્વિક ડોલરના ભાવ આજે ૦.૧૧ ટકા પ્લસમાં રહ્યા હતાં.
